महावितरणला प्रतीक्षा सात कोटींच्या येण्याची

वसुलीचे आव्हान : ७१ हजार ५७६ ग्राहक थकीत

मेहरून नाकाडे -रत्नागिरी जिल्ह्यातील ७१ हजार ५७६ वीज ग्राहकांकडे सुमारे ७ कोटी ११ लाख २८ हजार रूपयांची थकबाकी शिल्लक आहे. घरगुती, वाणिज्यिक, औद्योगिक, कृषी, सार्वजनिक पाणीपुरवठा, पथदीप व इतर मिळून एकूण ७१ हजार ५७६ ग्राहकांकडे एप्रिल ते सप्टेंबर अखेरची ७ कोटी ११ लाखांची थकबाकी शिल्लक राहिली असून, या वसुलीचे आव्हान महावितरण पुढे उभे ठाकले आहे.घरगुती वीजमीटरतंर्गत चिपळूण विभागातील १४ हजार ६५९ ग्राहकांकडे १ कोटी १६ लाख ५४ हजार, खेड विभागातील १६ हजार ८१८ ग्राहकांकडे १ कोटी २७ लाख ४९ हजार, रत्नागिरी विभागातील २५ हजार ४६६ ग्राहकांकडे १ कोटी ७८ लाख ९० हजार तसेच संपूर्ण जिल्ह््यातील ५६ हजार ९४३ ग्राहकांकडे ४ कोटी २२ लाख ९२ हजाराची थकबाकी शिल्लक राहिली आहे. वाणिज्यिक प्रकारात चिपळूण विभागातील १८३७ ग्राहकांकडे ३८ लाख १५ हजार, खेड विभागातील १८३३ ग्राहकांकडे ३७ लाख ७७ हजार, रत्नागिरी विभागातील ३७३८ ग्राहकांकडे ६० लाख ९१ हजार अशी एकूण ७ हजार ४०८ ग्राहकांकडे एकत्रित १ कोटी ३६ लाख ८३ हजारांची थकबाकी आहे.औद्योगिक प्रकारात चिपळूण विभागातील ३९५ ग्राहकांकडे १९ लाख ४७ हजार, खेड विभागातील ३७० ग्राहकांकडे २१ लाख ६१ हजार, रत्नागिरी विभागातील ८०५ ग्राहकांकडे १६ लाख १७ हजारांची थकबाकी आहे. एकूण १५७० ग्राहकांकडे एकत्रित ५७ लाख २५ हजारांची थकबाकी शिल्लक आहे. कृषी पंपातंर्गत चिपळूण विभागातील १४३१ ग्राहकांकडे ८ लाख ७३ हजार, खेड विभागातील ९०७ ग्राहकांकडे ९ लाख ३६ हजार, रत्नागिरी विभागातील १३३५ ग्राहकांकडे ९ लाख ८४ हजारांची थकबाकी आहे. जिल्ह््यातील एकूण ३६७३ कृषीपंप धारकांकडे २७ लाख ९३ हजारांची थकबाकी आहे. पाणीपुरवठा विभागातील चिपळूणतंर्गत २४० ग्राहकांकडे १६ लाख १३ हजार, खेड विभागातील २२६ ग्राहकांकडे १३ लाख २६ हजार, रत्नागिरी विभागातील ४५१ ग्राहकांकडे १४ लाख ३३ हजारांची थकबाकी आहे. जिल्ह््यात एकूण ९१७ ग्राहकांकडे ४३ लाख ७२ हजारांची थकबाकी आहे. पथदीपांतंर्गत चिपळूण विभागातील ३० ग्राहकांकडे ८७ हजार, खेड विभागातील १०० ग्राहकांकडे १ लाख ७४ हजार, रत्नागिरी विभागातील २२ ग्राहकांकडे १ लाख ९१ हजार अश्या एकूण १५२ ग्राहकांकडे ४ लाख ५२ हजार रूपये थकीत आहेत. अन्य प्रकारात चिपळूण विभागात १६५ ग्राहकांकडे २ लाख ६२ हजार, खेड विभागात २६८ ग्राहकांकडे ५ लाख ३३ हजार, रत्नागिरी विभागातील ४८० ग्राहकांकडे १० लाख १७ हजार अश्या एकूण ९१३ ग्राहकांकडे १८ लाख १२ हजारांची थकबाकी आहे. ग्राहकांकडे १० लाख १७ हजार अश्या एकूण ९१३ ग्राहकांकडे १८ लाख १२ हजारांची थकबाकी आहे.सेकंड होम : रत्नागिरीत घर घेणाऱ्यांची संख्या जास्तरत्नागिरी जिल्ह््यातील अनेक मंडळी नोकरी व्यवसायानिमित्त मुंबई व अन्य शहरात राहतात. शिवाय सेकंड होम म्हणून रत्नागिरीत घर घेणाऱ्यांची संख्यादेखील वाढत आहे. मार्चमध्ये महावितरणने वीजबिल बसुलीसाठी मोहीम राबवली होती. त्यानंतरच्या सहा महिन्यांच्या थकबाकी वसुलीचे महावितरणपुढे आव्हान उभे ठाकले आहे.कडक मोहीम महावितरणकडून वीजबिल वसुलीसाठी मोहीम राबवण्यात येते. वास्तविक एक महिना वीजबिल भरण्यास उशीर झाला तर वीजजोडणी तोडण्याची भीती असल्याने वसुली जास्त प्रमाणात झाली आहे. अन्यथा थकबाकीची ही आकडेवारी आणखीन वाढली असती. मात्र, ही थकबाकीही कोकण विभागाच्या मानाने जास्त असल्याचे म्हटले जात आहे.