---------
रेशनवरील धान्याची प्रतीक्षा
सांगली : शासनाने प्राधान्य कुटुंब व अंत्योदयमधील कुटुंबांना रेशनिंगचे धान्य देण्यात आले. त्यानंतर शासनाकडून केसरी कार्डधारकांनी धान्य देण्याची घोषणा झाली. पण अद्याप या धान्याचे वाटप सुरू झालेले नाही. त्यामुळे केसरी कार्डधारकांत नाराजी आहे.
-------
कारखाना परिसरात गढूळ पाणी
सांगली : शहरातील साखर कारखाना, शांतिनिकेतन, लक्ष्मीनगर परिसरात काही दिवसांपासून गढूळ पाण्याचा पुरवठा होत आहे. त्यामुळे नागरिकांच्या आरोग्याला धोका निर्माण झाला आहे. महापालिकेने तातडीने शुद्ध पाण्याचा पुरवठा करण्याची मागणी होत आहे.
----------
शहरात पुन्हा गर्दी
सांगली : कोरोनाची रुग्णसंख्या स्थिर असताना शहरात मात्र रस्त्यावर मोठ्या प्रमाणात गर्दी होत आहे. सोमवारी दुपारच्या वेळी राजवाडा चौक, महापालिका चौकात मोठ्या प्रमाणात वाहनांची गर्दी होती. कोरोना नियमांचेही उल्लंघन होत होते.