कोकरूड : कोकरुड (ता. शिराळा) येथे विधान परिषदेचे माजी सभापती शिवाजीराव देशमुख यांचा द्वितीय स्मृतिदिन त्यांच्या ‘स्फूर्तिस्थळ’ या स्मृतिस्थळावर प्रमुख मान्यवर, कार्यकर्ते यांच्या उपस्थितीत अभिवादन करण्यात आले.
जिल्हा परिषदेचे माजी उपाध्यक्ष सत्यजित देशमुख, आमदार मानसिंगराव नाईक, माजी मंत्री शिवाजीराव नाईक, फत्तेसिंगराव देशमुख, जिल्हा परिषद सदस्य संपतराव देशमुख, माजी सभापती हणमंतराव पाटील, भाजपा तालुकाध्यक्ष सुखदेव पाटील, जिल्हा परिषदेचे माजी सभापती उदयसिंगराव नाईक, के. डी. पाटील, जिल्हा कॉंग्रेस उपाध्यक्ष बाळासाहेब पाटील, वाळवा पंचायत समिती सदस्य आनंदराव पाटील, विश्वास संचालक रणजित नाईक, उद्योजक भालचंद्र पाटील, बाजार समितीचे सभापती सुजित देशमुख, उषाताई दशवंत, संगीता साळुंखे आदी मान्यवरांनी पुष्पचक्र वाहून आदरांजली वाहिली.
तसेच शिराळा व वाळवा तालुक्यातील अनेक गावांत विविध कार्यक्रमांच्या माध्यमातूनही शिवाजीराव देशमुख यांना अभिवादन करण्यात आले.
फोटो-१४कोकरुड१
फोटो ओळ : कोकरुड (ता. शिराळा) येथे शिवाजीराव देशमुख यांच्या स्मृतिस्थाळावर सत्यजित देशमुख, फत्तेसिंगराव देशमुख, संपतराव देशमुख, हणमंतराव पाटील, विकास नांगरे, बाळासाहेब पाटील, आनंदराव पाटील यांनी अभिवादन केले.