शहरं
Join us  
Trending Stories
1
डोनाल्ड ट्रम्प यांना मोठा झटका, US न्यायालयानं टॅरिफ निर्णय ठरवला अवैध; काय म्हणाले अमेरिकन राष्ट्राध्यक्ष?
2
Manoj Jarange Patil Morcha Update Live: मनोज जरांगे पाटील यांच्या आमरण उपोषणाचा आज दुसरा दिवस, सरकार काय तोडगा काढणार?
3
आजचे राशीभविष्य, ३० ऑगस्ट २०२५: कौटुंबिक वातावरण आनंदी असेल, वाणीवर संयम ठेवावा !
4
VIDEO: फुल्ल ऑन राडा... नितीश राणाला भिडला दिग्वेश राठी, खेळाडू मध्ये पडले म्हणून नाहीतर...
5
​बीडजवळ काळ बनून आला ट्रक; भीषण अपघातात ६ भाविकांचा जागीच मृत्यू
6
मुंबईत आलेल्या मराठा आंदोलकांचे खाण्यापिण्याचे हाल; गाडीतच स्वयंपाक, तिथेच जेवण
7
फडणवीसांचे सरकार पाडण्यासाठी अजित पवारांचे नेते सामील, लक्ष्मण हाके यांचा आरोप
8
पूजा कमी नौटंकीच जास्त! गणपतीसमोर पार्टीत नाचतात तसे नाचले, अर्जुन बिजलानीच्या घरातील व्हिडीओ पाहून नेटकरी भडकले
9
विरोधी पक्षांसह सत्ताधारी आमदार, खासदार 'मैदाना'त, उपोषणावर बसलेले मनोज जरांगे पाटील यांची भेट घेत दिला पाठिंबा
10
महाराष्ट्रात ३४ हजार कोटींची गुंतवणूक; ३३ हजार रोजगार
11
आंदोलनादरम्यान, पोलिसांच्या मदतीला पाऊस आला धावून...
12
...आणि पोलिसांचा थेट जरांगे यांना व्हिडीओ कॉल!
13
मराठा बांधवांनो, फक्त १० रुपयांत मुंबईत राहा, अशी आहे शक्कल
14
मुसळधारेतही आंदोलकांचा उत्साह कायम, शहर, उपनगरात ठिकठिकाणी पावसाची जोरदार हजेरी; रात्री उशिरापर्यंत आझाद मैदानात गर्दी
15
उर्जित पटेल आयएमएफच्या कार्यकारी संचालकपदी
16
मुसळधार पावसाचा सामना करत मुंबईमध्ये लोटला 'मराठा'सागर
17
विजयाशिवाय मागे हटणार नाही, सरकारने सहकार्य केले, आपणही सहकार्य करू : जरांगे पाटील
18
भारतावरील 'टॅरिफ' रशियन तेलामुळे नाही, तर ट्रम्प यांच्या नाराजीमुळे; अमेरिकन कंपनीचा दावा
19
आरक्षण द्यायचं, आंदोलन मोडायचं, की मला गोळ्या घालायच्या...; मनोज जरांगे-पाटील यांचा थेट इशारा
20
जेवणात भाजी का बनवली नाही? पतीने पत्नीला रागात विचारलं; चिडलेल्या पत्नीने टोकाचं पाऊल उचललं!

वकिलाच्या जबड्यात घुसली गोळी

By admin | Updated: April 3, 2016 23:44 IST

सांगलीतील गोळीबार प्रकरण : रिव्हॉल्व्हर जप्त; संशयितास अटक

सांगली : विश्रामबाग येथील डिपार्टमेंटल स्टोअरमध्ये शनिवारी रात्री रिव्हॉल्व्हरमधून चुकून उडालेली गोळी दीपक सदाशिव हेगडे (वय २८, रा. वारणाली गल्ली क्रमांक तीन, विश्रामबाग) यांच्या जबड्यात घुसली आहे. सहा तासाच्या शस्त्रक्रियेनंतर ही गोळी बाहेर काढण्यात डॉक्टरांना यश आल्याने हेगडे यांच्या प्रकृतीचा धोका टळला आहे. रिव्हॉल्व्हरचे मालक सुरेश कृष्णा गायकवाड (४०, रा. वानलेसवाडी) यांना रविवारी सकाळी विश्रामबाग पोलिसांनी अटक केली. त्यांचे रिव्हॉल्व्हरही जप्त केले आहे. दीपक हेगडे व संशयित सुरेश गायकवाड यांचा परिचय नाही. ते डिपार्टमेंटल स्टोअरमध्ये बाजार करण्यासाठी गेले होते. गायकवाड यांच्याकडे परवानाधारक रिव्हॉल्व्हर आहे. ते नेहमी कमरेला लावतात. बाजार केल्यानंतर योगायोगाने दोघेही बिल देण्यासाठी काऊंटरजवळ आले होते. गायकवाड यांच्या कमरेला असलेल्या रिव्हॉल्व्हरला लॉक नव्हते. बिल देण्यासाठी ते पाकीट काढत होते. पण रिव्हॉल्व्हरच्या अडथळ्यामुळे पाकीट निघत नव्हते. त्यामुळे त्यांनी कमरेचे रिव्हॉल्व्हर काढण्याचा प्रयत्न केला. त्याचेवळी ते जोरात खाली पडले. ट्रिगर दाबला गेल्याने एक गोळी उडाली. ती काऊंटरला धडकून शेजारीच उभ्या असलेल्या हेगडे यांच्या उजव्या गालाला लागली. हेगडे रक्तबंबाळ होऊन जखमी झाले. त्यांना विश्रामबाग येथील खासगी रुग्णालयात उपचारार्थ दाखल करण्यात आले. गोळीबाराच्या घटनेमुळे पोलिसांची चांगलीच पळापळ झाली. गायकवाड यांना रात्री उशिरा ताब्यात घेण्यात आले. ते टँकर व्यावसायिक आहेत. त्यांचे रिव्हॉल्व्हर जप्त केले आहे. पोलिसांनी त्यांचा रिव्हॉल्व्हरचा परवानाही तपासला आहे. जखमी हेगडे यांचा अद्याप जबाब झालेला नाही. याप्रकरणी हेगडे यांच्या पत्नी अश्विनी यांनी विश्रामबाग फिर्याद दिली आहे. त्यानुसार गायकवाड यांच्याविरुद्ध हलगर्जीपणा केल्याचा गुन्हा दाखल करुन अटक केली आहे. त्यांना न्यायालयात उभे केले असताना न्यायालयाने त्यांना ६ एप्रिलपर्यंत पोलीस कोठडीत ठेवण्याचा आदेश दिला आहे. हेगडेंच्या जबड्यातून काढलेली गोळी तपासणीला पाठविली जाणार असल्याचे पोलिस निरीक्षक अनिल चोरमले यांनी सांगितले. (प्रतिनिधी) सहा तास शस्त्रक्रिया हेगडे यांची सिटीस्कॅन तपासणी व डोक्याचा एक्से-रे काढण्यात आला. यामध्ये त्यांच्या उजव्या बाजूच्या जबड्यात गोळी घुसल्याचे स्पष्ट झाले. डॉ. शरद सावंत यांनी शस्त्रक्रिया करुन जबड्यातून ही गोळी बाहेर काढली. तब्बल सहा तास शस्त्रक्रिया सुरू होती. हेगडे यांच्या प्रकृतीचा धोका टळला असल्याचे डॉ. सावंत यांनी सांगितले.