बॅगेज रॅपिंग व सेनिटेशन सुविधा :
कोविड साथीच्या आजाराच्या पार्श्वभूमीवर कोणताही संसर्ग टाळण्यासाठी मध्य रेल्वेने छत्रपती शिवाजी महाराज टर्मिनस, दादर, लोकमान्य टिळक टर्मिनस, नागपूर व पुणे स्थानकात अतिनील किरणांद्वारे प्रवाशांचे सामान, पार्सलसाठी बॅगेज रॅपिंग व सॅनिटायझेशन सुविधा सुरू केली आहे. मुंबई, नागपूरसह पुणे विभागातील विविध स्थानकांत स्वयंचलित वेंडिंग कियॉस्क मशीन बसविण्यात आले आहे. या मशिनद्वारे मास्क, फेस शिल्ड, हातमोजे, सॅनिटायझर ही संरक्षणात्मक साधने विक्रीस उपलब्ध करण्यात आली आहेत. बेडरोल वेंडिंग कियॉस्कद्धारे प्रवाशांना डिस्पोजेबल बेडरोल उपलब्ध करण्यात आला आहे.
एटीएमए सिस्टम
मोठ्या स्थानकात स्वयंचलित तिकीट तपासणी व व्यवस्थापकीय प्रवेश प्रणाली सुरू करण्यात आली आहे. ही यंत्रणा कोविड संसर्ग रोखण्यासाठी प्रवाशाची तिकीट स्थिती शोधून बोर्डिंग प्रोटोकॉल अंमलबजावणी करते. कोविडची लक्षणे नसलेल्या प्रवाशांनाच रेल्वेत चढण्यास परवानगी देते.
एझीस्पीट स्पिटून
मोठ्या रेल्वे स्थानकात सार्वजनिक थुंकण्यापासून होणारी अडचण टाळण्यासाठी इझीस्पिट स्पिटून अभिनव कंटेनर वेंडिंग मशीन हा एक अभिनव उपाय सुरू करण्यात आला आहे. स्पिट कंटेनर, स्पिट पाउच व व्होमिट कीट या उत्पादनांच्या विक्रीसाठी रेल्वे स्थानकात स्वयंचलित वेंडिंग मशीन बसविण्यात येत आहेत. थुंकण्यासाठी पाऊच व कीट कोविड संसर्गाचा प्रसार रोखून रेल्वे परिसर स्वच्छ ठेवतात. रेल्वेच्या आवारात थुंकलेल्या डागांच्या साफसफाई खर्चाची बचत करतात. या विविध नावीन्यपूर्ण कल्पनांमुळे प्रवाशांना चांगल्या सुविधा व रेल्वेला अतिरिक्त महसूलही मिळणार आहे.
फाेटाे : १६ मिरज १ : इझीस्पीट
फाेटाे : १६ मिरज २ : बॅगेज रॅपिंग