तासगाव : तासगाव नगरपरिषदेतील प्रभाग क्र. ९ व १० मधील मंजूर झालेल्या २ कोटींच्या विकासकामांचा शुभारंभ खासदार संजयकाका पाटील यांच्या हस्ते झाले.
यावेळी खासदार संजयकाका पाटील म्हणाले, तासगाव शहराच्या विकासासाठी आम्ही कटिबद्ध आहोत. तासगाव तालुक्याने विशेष करून तासगाव शहराने मला प्रेम आणि साथ दिली आहे. त्यामुळेच शहराच्या विकासासाठी पुढाकार घेणे आमचे कर्तव्य आहे. आकाराम मोरे घर ते निंबाळकर वस्तीपर्यंत रस्ता करणे. स्टेशन रोड ते साठेनगरपर्यंत रस्ता करणे.
भिलवडी स्टशेन रोड तोरणा ढाब्यापासून कॅनॉलपर्यंत रस्ता करणे. कांबळेवाडी येथे सि.स.नं. ३२९४ मध्ये शाळा बांधणे, नगरपरिषद शाळा नं. ७ येथील कंपाऊंड वॉलला जाळी व गेट बसविणे. वरचे गल्ली व्यायामशाळा उभारणेचे काम करणे. जोतिबा चौक येथील पाण्याची टाकी ते संभाजी माळी घर (माळी प्लॉट) एचडीपीई पाईप टाकणे या कामांचे उद्घाटन करण्यात आले.
यावेळी मुख्याधिकारी पृथ्वीराज पाटील, नगराध्यक्ष विजय सावंत, उपनगराध्यक्ष दत्तात्रय रेंदाळकर, जाफर मुजावर, अनिल कुत्ते यांच्यासह नगरसेवक उपस्थित होते.