जत : मोकाशवाडी (ता. जत) येथे ट्रॅक्टर व माेटारीची धडक हाेऊन कल्पना पांडुरंग गायकवाड व पांडुरंग गायकवाड (रा. दोघेही रा. वाळेखिंडी, ता. जत) हे जखमी झाले. ही घटना गुरुवारी सायंकाळी सातच्या दरम्यान मोकाशवाडी येथील धोकादायक वळणावर घडली. या प्रकरणी चंद्रकांत विलासराव शिंदे (वय ४५, रा. वाळेखिंडी) यांनी जत पोलिसांत रात्री उशिरा फिर्याद दाखल केली आहे.
चंद्रकांत विलासराव शिंदे हे त्यांची माेटार (एमएच १२, एसयू ८९२२) घेऊन कल्पना गायकवाड व पांडुरंग गायकवाड यांच्यासह वाळेखिंडी-मोकाशवाडी - भोसे (ता. मंगळवेढा) मार्गाने जात हाेते. मोकाशवाडी येथील धोकादायक वळणावर समोरून चुकीच्या दिशेने आलेला ट्रॅक्टर (एमएच १० बीएस २९३५) त्यांच्या माेटारीस धडकला. अपघातात कल्पना गायकवाड व पांडुरंग गायकवाड हे दोघेजण गंभीर जखमी झाले आहेत. ट्रॅक्टरचालक सुरेश माणिक महाडिक (वय ३० रा. शेगांव) याला ताब्यात घेतले. या प्रकरणाचा पुढील तपास हवालदार आप्पासाहेब हाक्के करीत आहेत.