लोकमत न्यूज नेटवर्क
शिराळा
: शिवपुरी (ता.वाळवा) येथील विभुते कुटुंबीयांनी कै. कृष्णाताई श्यामराव विभुते यांच्या श्राद्धाचा खर्च टाळून आश्रमशाळेत विद्यार्थ्यांना जीवनावश्यक वस्तू, वीज बिल भरण्यासाठी आर्थिक मदत, गरीब कुटुंबांना अन्नधान्याचे किट देऊन स्मृती जपल्या.
कृष्णाताई विभुते यांचे दोन वर्षांपूर्वी वृद्धापकाळाने निधन झाले होते. त्यांचे भाचे प्रवीण विभुते व संजय विभुते यांनी श्राद्धाचा खर्च टाळून इस्लामपूर येथील विजयमाला मुला-मुलींचा आश्रम येथे जीवनावश्यक वस्तू व विज बिल भरण्यासाठी आर्थिक मदत दिली. शिवपुरी गावातील गरीब कुटुंबांना जीवनावश्यक वस्तूंचे किट देण्यात आले. कृष्णाताई विभुते या अविवाहित होत्या. त्यांनी विभुते कुटुंबासाठी आयुष्यभर अपार कष्ट केले. त्यांचे भाऊ कै. भुपाल विभुते व कै. कुमार विभुते आणि भाचे प्रवीण व संजय भुपाल विभुते यांचे भवितव्य घडविण्यात त्यांचा मोलाचा वाटा आहे. प्रवीण विभुते हे परदेशात असतात तरी त्यांनी आर्थिक मदत पाठवून या उपक्रमास मोलाचे सहकार्य केले.
यावेळी पी. बी. कुलकर्णी, विजयकुमार कुलकर्णी, सरपंच बाजीराव माने, उपसरपंच शशिकांत माने, मंगल पोवेकर, सुमन खोत, सोमनाथ वाळवेकर, संजय विभुते, संजय भक्ते आदी उपस्थित होते. अरविंद जाधव यांनी प्रास्ताविक केले. सुमित माने यांनी आभार मानले.