लोकमत न्यूज नेटवर्क
सांगली : सर्व मतभेद बाजूला ठेवून संघटनावाढीसाठी एकजुटीने प्रयत्न करा, राज्यात आपले सरकार आहे अशी भावना सर्वसामान्य जनतेमध्ये निर्माण करण्याचे काम करा, असे आवाहन नगरविकास मंत्री एकनाथ शिंदे यांनी शनिवारी केले.
शिवसेनेच्या पदाधिकारी आणि कार्यकर्त्यांची बैठक शिंदे यांनी सांगलीतील एका हाॅटेलमध्ये घेतली. पदाधिकाऱ्यांच्या आणि कार्यकर्त्यांच्या अपेक्षा, सूचना ऐकून घेतल्यानंतर संघटनवाढीविषयी काही अडचणी असल्यास त्या दूर करण्याच्या दृष्टिकोनातून येणाऱ्या काळामध्ये प्रयत्न करणार असल्याचे त्यांनी यावेळी सांगितले. गुंठेवारी नियमित करण्याचा राज्य सरकारचा महत्त्वपूर्ण निर्णय जास्तीत जास्त लोकांपर्यंत पोहोचावा. यासाठी पदाधिकाऱ्यांनी प्रयत्न करावेत, असे आवाहन त्यांनी केले.
यावेळी शिवसेनेचे आमदार अनिल बाबर, माजी मंत्री अजितराव घोरपडे, जिल्हाप्रमुख संजय विभूते, आनंदराव पवार, सुहास बाबर, जिल्हा संघटक दिगंबर जाधव, बजरंग पाटील, मयूर घोडके, अविनाश पाटील, अरुण खरमाटे, चंद्रकांत मैगुरे, अमोल पाटील, हरी लेंगरे, महादेव मगदूम, शंभूराज काटकर, संजय काटे, रूपेश मोकाशी, सुनीता मोरे, सुजाता इंगळे, मारुती पवार, आदी उपस्थित होते.