आष्टा : येथील गुडमॉर्निंग ग्रुपच्यावतीने विविध स्पर्धेत यशस्वी झालेल्या गुणवंतांसह सैन्य दलात निवड झालेल्या गुणवंत विद्यार्थ्यांचा गौरव करण्यात आला.
यावेळी जत येथील हणमंत खरात याची बीएसएफ, विशाल सदाशिव मगर, टेंभुर्णी यांची सीआयएसएफ, किरण पांडुरंग जाधव यांची बीएसएफ, गोटेवाडी येथील चंद्रकांत जाधव व अक्षय वसंत मालेकर, काकाचीवाडी, कारंदवाडी येथील दिनकर संभाजी जाधव, ओमकार पांडुरंग भाेकरे, खोतवाडी यांची सीआरपीएफमध्ये निवड झाल्याबद्दल सत्कार करण्यात आला.
यश पोपट कवठेकर याने पुणे येथील क्रिकेट स्पर्धेत देदीप्यमान यश संपादन केल्याबद्दल तसेच शीतल वग्याणी यांची सांगली जिल्हा मध्यवर्ती बँकेच्या आमणापूर शाखाअधिकारीपदी निवड झाल्याबद्दल तसेच संजीव प्रकाश शिंदे यांची एसटी महामंडळाच्या इंटक संघटना, इस्लामपूर आगार अध्यक्षपदी निवड झाल्याबद्दल मान्यवरांच्या हस्ते गौरव करण्यात आला.
यावेळी स्वामी विवेकानंद संस्थेचे संस्थापक संदीप कदम, गुडमॉर्निंग ग्रुपचे डॉ. धनपाल वठारे, प्रकाश शिंदे, अरुण शिंदे, रवी माळी, आर. डी. पाटील, मिलिंद जाधव, दीपक सुर्वे, सचिन चव्हाण, राजेंद्र मगदूम, सुधाकर सावंत, संदीप सावंत, सुरेंद्र शिराळकर, पोपट कवठेकर यांच्यासह विद्यार्थी उपस्थित होते.
फोटो -१६०२२०२१-आयएसएलएम-आष्टा सत्कार न्यूज
गुडमाॅर्निंग ग्रुपच्यावतीने सैन्य दलात निवड झालेल्या सैनिकांसह गुणवंतांचा सत्कार करण्यात आला.