-------------
मिरजेत हातभट्टी अड्ड्यावर छापा
मिरज : मिरजेतील ऐनापुरे मळ्यात हातभट्टी अड्ड्यावर गांधी चौक पोलिसांनी छापा टाकून आनंदा चंदर मलमे व किरण संजय मंडले यांना अटक केली. त्यांच्याकडून १६ हजार रुपयांची हातभट्टी दारू जप्त करण्यात आली. ऐनापुरे मळ्यात मलमे व मंडले हे दोघे हातभट्टी दारू तयार करीत असल्याची माहिती पोलिसांना मिळाली. पोलीस पथकाने हातभट्टी अड्ड्यावर छापा टाकल्यानंतर दोघेजण विनापरवाना हातभट्टी तयार करताना सापडले. याबाबत गांधी चौक पोलिसांत नोंद आहे.
---------------
सोनीतून विद्युत मोटार चोरी
मिरज : सोनी (ता. मिरज) येथील रब्बीलाल बाबासाहेब मुलाणी यांच्या शेतातील कूपनलिकेची तीन हजार रुपये किमतीची विद्युत मोटार चोरट्यांनी लंपास केली. याबाबत मुलाणी यांनी मिरज ग्रामीण पोलिसांत फिर्याद दिली आहे.
----------
विद्युत मोटार चोरीप्रकरणी तिघांवर गुन्हा
मिरज : सोनी (ता. मिरज) येथील अमरनाथ शिवाजी यादव यांच्या शेतातील विहिरीवरील विद्युत मोटार चोरीस गेली. याप्रकरणी यादव यांनी अवधूत शिवाजी जाधव, मोहन सोपान जाधव, बंडू सोपान जाधव (तिघे रा. करोली एम, ता. मिरज) यांच्याविरुद्ध पोलिसांत फिर्याद दिली आहे.
शेत जमिनीचे पैसे न दिल्याच्या कारणावरून तिघांनी शेतातील विहिरीवरून विद्युत मोटार चोरून नेल्याची तक्रार यादव यांनी मिरज ग्रामीण पोलिसांत दिली आहे.