भिलवडी : शिवाजीनगर-माळवाडी (ता. पलूस) येथील महिलांनी एकत्रित येऊन सखी महिला मंडळाची स्थापना केली. गावच्या सरपंच श्रीमती सुरय्या तांबोळी यांच्या हस्ते महिला मेळाव्याचे उद्घाटन करण्यात आले. ग्रामीण भागातील महिलांना व्यासपीठ मिळावे, छोट्यामोठ्या व्यवसायाच्या माध्यमातून महिला स्वावलंबी बनाव्यात, या हेतूने सखी महिला मंडळाची स्थापना करण्यात आली असल्याची माहिती संस्थापिका हसीना शेख यांनी दिली. यावेळी महिलांसाठी विविध स्पर्धांचे आयोजन करण्यात आले.
विजेत्या स्पर्धकांसह उद्योजक महिलांचा सत्कार करण्यात आला. करिश्मा मोरे यांनी प्रास्ताविक तर परवीन शेख यांनी आभार मानले. प्रा. मनीषा पाटील, कविता माने, सुनीता गुरव, कोमल पाटील, वैशाली कवठेकर, नीता कवठेकर, भाग्यश्री चौगुले, रिझवान इनामदार, परवीन सुतार, रुक्साना सुतार, प्रियंका जंगम, पद्मजा चिंचवडे आदी महिला उपस्थित होत्या.