कोकरूड : गेल्या अनेक वर्षांपासून मागणी असलेले, चिंचोली जलसेतूजवळील मोठे वळण काढून दुहेरी मार्ग करण्याचे काम झाल्याने अखेर खुजगाव ग्रामस्थ, महाडिक युवा शक्ती व प्रवासी वाहतूक संघटनेच्यावतीने केलेल्या आंदोलनाला यश आले आहे. सार्वजनिक बांधकाम विभागाने या रस्त्याचे काम सुरू केले आहे.
शेडगेवाडी - कोकरुड रस्त्यावर खुजगाव ते चिंचोलीदरम्यान वारणा डाव्या कालव्याचे दोन जलसेतू असून या दोन्ही ठिकाणी मोठी वळणे आहेत. या ठिकाणी अपघात होत असल्याने शेकडोंना अपंगत्व आलेले आहे. यामुळे या दोन्ही जलसेतूजवळ दुहेरी मार्ग करावा, अशी मागणी सार्वजनिक बांधकाम विभागाकडे करूनही दुर्लक्ष होत होते. यामुळे खुजगाव ग्रामस्थ, महाडिक युवा शक्ती, वाहतूक संघटना यांनी मंगळवारी रास्ता रोको अंदोलन सुरू केले. याची दखल घेत सार्वजनिक बांधकाम विभागाने दुहेरी मार्गाचे काम सुरू केले आहे.
फोटो-०६कोकरुड१
फोटो ओळी:-
खुजगाव (ता. शिराळा) येथील वारणेच्या जलसेतूजवळ नवीन दुहेरी मार्ग काढण्यास सुरुवात करण्यात आली आहे.