ढालगाव : ढालगाव (ता. कवठेमहांकाळ) येथील ग्रामपंचायतीच्या उपसरपंच जयश्री महेंद्र साबळे यांनी कार्यकाल पूर्ण झाल्याने आपल्या पदाचा राजीनामा दिला आहे.
ढालगाव ग्रामपंचायतीत प्रत्येकाला एक वर्ष उपसरपंचपदाची संधी देण्यासाठी म्हणून आज एक वर्षाचा कालावधी पूर्ण झाल्यावर जयश्री महेंद्र साबळे यांनी ठरल्याप्रमाणे मुदत संपल्यावर राजीनामा दिला. यावेळी माजी सरपंच संजय घागरे, महांकाली कारखान्याचे संचालक संजय पाटील, महेंद्र साबळे, प्रदीप वाघमारे, विशाल खोळपे, पोपट घागरे, हरी घोदे, महेश चव्हाण, दिलीप झुरे, धुळदेव घागरे, मनोज देसाई, सुरेश घागरे, धनाजी मंडले, नामदेव देसाई उपस्थित होते. यापूर्वी माजी उपसरपंच सुमन संजय पाटील व मंगल दगडू चव्हाण यांनीही राजीनामा देऊन इतरांना संधी दिली होती. यासाठी मायाक्का शिक्षण संस्थेचे अध्यक्ष कुमार पाटील, धर्मवीर संस्थेचे अध्यक्ष महादेव भोसले, माजी सरपंच तम्माण्णा घागरे, महांकालीचे माजी संचालक पोपट शेटे यांच्यासह नेते, मान्यवरांचे सहकार्य लाभले. यापुढील उपसरपंचपद हे ग्रामपंचायत सदस्य दिलीप झुरे यांना देण्याचे ठरल्याचे झुरे समर्थक सदस्यांनी सांगितले.