कोरोना कालावधित या मार्गावरील एसटी बससेवा बंद झाली आहे. मात्र आता ही सेवा पुन्हा नियमित सुरू करावी, अशी मागणी विद्यार्थी व पालकांमधून होऊ लागली आहे. सध्या या मार्गावर कवठेमहांकाळ-लंगरपेठ -ढालगाव व कवठेमहांकाळ-आगळगाव -ढालगाव अशी तुरळक सेवा दिवसातून दोन ते तीनवेळा सुरू झाली आहे. या परिसरातील विद्यार्थी कवठेमहांकाळ येथे महाविद्यालयीन शिक्षणासाठी जातात. कवठेमहांकाळ येथील महाविद्यालये सुरू झाली आहेत. या मुलांना महाविद्यालयात जाण्यासाठी बसशिवाय पर्याय नाही. चोरोची-ढालगाव येथील माध्यमिक व उच्च माध्यमिक शाळा सुरू आहेत. या शाळांनाही परिसरातील मुले बसने येतात.
दहावी, बारावीचे महत्त्वाचे वर्ग सुरू झाले आहेत. यामुळे कवठेमहांकाळ एसटी डेपोतून मुक्कामी बससेवा पुन्हा सुरू करावी, अशी मागणी हाेत आहे.