कुंडलवाडी (ता. वाळवा) येथे राहुल महाडिक यांनी उर्दू शाळेत मातोश्री श्रीमती मीनाक्षीताई नानासाहेब महाडिक यांच्या नावे संगणक कक्षाची उभारणी केली आहे. यावेळी जगन्नाथ माळी, निजाम मुलाणी, रहीमशा फकीर उपस्थित होते.
लोकमत न्यूज नेटवर्क
इस्लामपूर : कुंडलवाडी (ता. वाळवा) येथे भाजप युवा मोर्चाचे प्रदेश उपाध्यक्ष, वाळवा पंचायत समितीचे गटनेते राहुल महाडिक यांनी आपल्या वैयक्तिक निधीतून कुंडलवाडी उर्दू शाळेत मातोश्री श्रीमती मीनाक्षीताई नानासाहेब महाडिक यांच्या नावे संगणक कक्षाची उभारणी केली आहे. त्याचे उद्घाटन राहुल महाडिक यांच्या हस्ते झाले.
यावेळी जिल्हा परिषद बांधकाम सभापती जगन्नाथ माळी, जिल्हा परिषद सदस्य निजाम मुलाणी, सरपंच रहीमशा फकीर उपस्थित होते. यावेळी कोरोना योद्धा डॉ. अश्विनी पाटील यांचा सत्कार करण्यात आला.
कार्यक्रमाला हिदायतुल्ला पटेल, अस्लम पटेल, सुनंदा कदम, तानाजी कदम, धनाजी कदम, आय्युब पटेल, गणी पटेल, वसंत पाटील, अधिकराव पाटील, अजित कदम, आदी उपस्थित होते.