लोकमत न्यूज नेटवर्क
सांगली : प्रभाग १८ मधील शामरावनगर परिसरातील अभिनव शाळेमागील रस्ते कामास राष्ट्रवादीचे शहर जिल्हाध्यक्ष संजय बजाज व ज्येष्ठ नागरिकांच्या हस्ते प्रारंभ करण्यात आला. नगरसेविका नसीमा नाईक यांच्या प्रयत्नातून हे काम मंजूर करण्यात आले आहे.
यावेळी बजाज म्हणाले, नगरसेविका नसीमा नाईक यांनी वेळोवेळी शामरावनगर भागाच्या विकासासाठी प्रयत्न केले आहेत. त्यांच्या या पाठपुराव्यामुळे या भागातील रस्त्यांच्या कामाला गती मिळणार आहे. शामरावनगर भागातील पाण्याचा निचरा करण्यासाठी निविदेचे काम पूर्ण होताच रस्त्याच्या डांबरीकरणाला सुरुवात होणार आहे. पालकमंत्री जयंत पाटील यांनी शामरावनगर परिसराची पाहणी केली होती. येत्या २ वर्षात या परिसरातील समस्या सोडवण्याचा प्रयत्न करू.
सामाजिक कार्यकर्ते रज्जाक नाईक यांच्याहस्ते बजाज व नगरसेवक शेडजी मोहिते यांचा सत्कार करण्यात आले. यावेळी जावेद नदाफ, नगरसेवक बाळासाहेब सावंत, मुन्ना शेख, सरफराज शेख, गॅब्रियल तिवडे, धनाजी झांबरे, अख्तर आत्तार, गणेश तेली, कुमार वायदंडे, मुकादम वैभव कांबळे उपस्थित होते.