इस्लामपूर : कोरोनाच्या पार्श्वभूमीवर राज्यात रक्ताचा तुटवडा जाणवत असल्याने राष्ट्रवादी काँग्रेस पक्षाने रक्तदान करण्याच्या केलेल्या आवाहनास प्रतिसाद देत युवक राष्ट्रवादीच्या इस्लामपूर शाखेने आयोजित केलेल्या रक्तदान शिबिरात १२५ जणांनी रक्तदान केले.
जयंत दारिद्र्य निर्मूलन अभियान व राष्ट्रवादीच्या कार्यकर्त्यांनी संयोजन केले.
राष्ट्रवादी काँग्रेसचे अध्यक्ष खा. शरद पवार, प्रदेशाध्यक्ष जयंत पाटील यांनी रक्तदान शिबिरे आयोजित करण्याचे आवाहन केले आहे. या आवाहनास प्रतिसाद देत युवा नेते प्रतीक पाटील यांच्या मार्गदर्शनाखाली गणेश भाजी मंडई येथे रक्तदान शिबिराचे आयोजन केले. सिद्धिविनायक ब्लड बँक मिरज, हिंदुरत्न प्रकाशबापू पाटील ब्लड बँक सांगली यांनी रक्त संकलन केले. राजारामबापू ज्ञान प्रबोधिनीचे अध्यक्ष प्रा. श्यामराव पाटील, डॉ. प्रकाश म्हाळुंगकर यांनी शिबिरास भेट दिली.
युवक राष्ट्रवादीचे शहराध्यक्ष सचिन कोळी, कार्याध्यक्ष स्वरूप मोरे, जयंत दारिद्र्य निर्मूलन अभियानचे संघटक राजाराम जाधव, विनायक जगताप, ओबीसी सेलचे शकील
जमादार, मोहन भिंगार्डे यांच्यासह युवक राष्ट्रवादी काँग्रेसचे कार्यकर्ते या उपक्रमात सहभागी झाले होते.
फोटो : ११ इस्लामपूर ४
ओळी : इस्लामपूर येथे रक्तदान शिबिरप्रसंगी प्रा. श्यामराव पाटील, सचिन कोळी, राजाराम जाधव, शकील जमादार, मोहन भिंगार्डे उपस्थित होते.