इस्लामपूर : येथील जयवंत आबा परिवार आणि कोल्हापूरच्या वैभवलक्ष्मी रक्तपेढीकडून घेण्यात आलेल्या रक्तदान शिबिरात ११० दात्यांनी रक्तदान केले. जलसंपदा मंत्री आणि राष्ट्रवादी काॅंग्रेसचे प्रदेशाध्यक्ष जयंत पाटील यांच्या वाढदिवसानिमित्त मणेर गल्लीतील युवक राष्ट्रवादीच्या शहर कार्यालयात हे शिबिर घेण्यात आले.
नगरसेविका मनिषा जयवंत पाटील यांच्या हस्ते शिबिराचे उद्घाटन करण्यात आले. यावेळी जिल्हा बॅँकेचे अध्यक्ष दिलीपराव पाटील यांची प्रमुख उपस्थिती होती. या शिबिराचे आयोजन युवा नेते सुरज पाटील, सतेज पाटील, मानसिंग पाटील, दत्ता फल्ले यांनी केले होते. यावेळी अॅड. विजय काईंगडे, संजय भाेईटे, संगीता भाेईटे, प्रकाश पोळ, अमर जमादार, प्रकाश वाळवेकर, महेश मदने, विक्रम पवार, अमित मगदूम, विनायक पाटील, उद्योजक विक्रमसिंह घाडगे, भूषण शहा, अरुण कोळेकर, उदय राजमाने, एम. जी. पाटील, स्वरूप मोरे, दिग्विजय पाटील, अभिजीत कुर्लेकर, हणमंत पाटील, राजवर्धन लाड उपस्थित होते.
फोटो : १७०२२०२१-आयएसएलएम- रक्तदान शिबिर न्यूज
इस्लामपूर येथील रक्तदान शिबिराचे उद्घाटन नगरसेविका मनिषा पाटील यांच्या हस्ते करण्यात आले. यावेळी संगीता भाेईटे, सुरज पाटील, दत्ता फल्ले, अमर जमादार, महेश मदने, भूषण शहा उपस्थित होते.