बोरगाव : सांगली येथील द अमॅच्युअर खो-खो असोसिएशनच्या अध्यक्षपदी कवठेपिरान (ता. मिरज) येथील हिंदकेसरी स्पाेर्टसचे अध्यक्ष भीमराव बाळासाहेब माने यांची बिनविराेध निवड करण्यात आली.
असाेसिएशनची २०२० - २४ ची चौथी पंचवार्षिक वार्षिक निवडणूक बोरगाव (ता. वाळवा) येथे जय जवान क्रांतिवीर मंडळाच्या सभागृहात बिनविरोध पार पडली पडली. या निवडणूक प्रक्रियेत सांगली जिल्ह्यातील खो-खो शी संलग्न असणाऱ्या सर्व क्रीडा संस्थांच्या प्रतिनिधीनी सहभाग दर्शविला होता. या निवडीसाठी निवडणूक निर्णय अधिकारी म्हणून कुमार शिंदे यांनी काम पाहिले.
ही निवड एकूण १५ जागांसाठी होती. यात फक्त १५ अर्ज दाखल झाल्याने ही निवडणूक बिनविरोध झाल्याचे जाहीर करून अध्यक्षपदी भीमराव बाळासाहेब माने यांची निवड करण्यात आली. यावेळी उपाध्यक्षपदी उत्तम कुलकर्णी (भडकंबे, ता वाळवा), विनोद जाधव (कार्वे ता. वाळवा). माणिकराव माने (नेर्ले, ता. वाळवा) यांची. कार्याध्यक्षपदी माणिकराव पाटील (बोरगाव, ता. वाळवा) यांची, सचिवपदी सम्राट शिंदे (मंगरूळ, ता. खानापूर) यांची, सहसचिवपदी मारुती शहापूरे (आष्टा) राहुल तामगावे ( कवठेपिरान) संतोष खांडेकर ( विटा) यांची, खजिनदारपदी विशाल भिंगारदिवे ( विटा) यांची निवड करण्यात आली. सदस्यपदी रमण सुतार (विटा), प्रकाश पाटील ( बोरगाव), किरण मेटकरी ( विटा) सागर कुलकर्णी (भडकंबे) दीपक चव्हाण ( विटा) यांची निवड करण्यात आली.
द अमॅचुअर खो-खो असोसिएशन सांगली. ही सांगली जिल्ह्यातील महाराष्ट्र खो-खो असोसिएशन या संघटनेशी संलग्न असणारी एकमेव खो-खो संघटना आहे. या निवडी बिनविरोध पार पाडण्यासाठी द अमॅच्युअर खो-खो असोसिएशनचे संस्थापक अध्यक्ष माणिक पाटील, सांगली जिल्ह्यातील पहिले राष्ट्रीय खो-खो खेळाडू - पापा मुल्ला (विटा), मानसिंग शिंदे, सुधाकर माने ( विटा), युवराज जाधव, अमोल जाधव, मिलिंद चावरेकर, पांडुरंग गायकवाड, मिलिंद सावर्डे, युसूफ जमादार, महेश सुतार यांनी विशेष प्रयत्न केले.
सर्व राष्ट्रीय खेळाडू पंच यांनी ही निवडणूक बिनविरोध होण्यासाठी प्रयत्न केले.
फाेटाे : ०७ बाेरगाव १