इस्लामपूर : येथील श्रीमती कुसुमताई राजारामबापू पाटील कन्या महाविद्यालयातील प्राणीशास्त्र विभागाचे प्रा. डॉ. रमेश गेजगे यांना तासगावच्या तासहिरा फौंडेशनचा ‘समाजरत्न’ पुरस्कार प्रदान करण्यात आला.
तासगाव नगरपरिषदेचे मुख्याधिकारी पृथ्वीराज पाटील यांच्याहस्ते डॉ. रमेश गेजगे व त्यांच्या पत्नी डॉ. मनीषा गेजगे यांना गौरविण्यात आले. तसेच विशेष गुणवंत विदयार्थी म्हणून विपुल गेजगे यांचा प्रशस्तिपत्र देऊन सत्कार करण्यात आला. याप्रसंगी डॉ. रमेश गेजगे व डॉ. मनीषा गेजगे लिखित ‘ह्युमन रिप्रोडक्टिव्ह फिजिओलॉजी’ या संदर्भ पुस्तकाचे प्रकाशन पाटील यांच्याहस्ते करण्यात आले.
यावेळी प्रकाश कांबळे, अॅड. अमित वर्धन, अभियंता सुनील माळी, डॉ. विवेक गुरव, प्रा. आण्णासाहेब बागल, रावसाहेब गेजगे उपस्थित होते. कासेगाव शिक्षण संस्थेचे अध्यक्ष शामराव पाटील, सचिव प्राचार्य आर. डी. सावंत, सहसचिव प्राचार्य डॉ. राजेंद्र कुरळपकर, पर्यवेक्षक प्रा. संगीता पाटील यांनी त्यांचे अभिनंदन केले.