विटा : रेणावी (ता. खानापूर) येथील श्री रेवणसिद्ध हायस्कूलच्या उपक्रमशील शिक्षिका सीमा सावंत यांना कास्ट्राईल शिक्षक संघटनेच्यावतीने क्रांतिज्योती सावित्रीबाई फुले आदर्श शिक्षक पुरस्कार प्रदान करण्यात आला.
सावंत यांनी शैक्षणिक क्षेत्राबरोबरच महिलांसाठी विविध उपक्रम राबवून महिलांचे सबलीकरण व सक्षमीकरण प्रबोधनाच्या माध्यमातून करीत आहेत. कास्ट्राईब कर्मचारी महासंघाचे महासचिव नामदेवराव कांबळे यांच्याहस्ते सावंत यांना पुरस्कार प्रदान करण्यात आला. यावेळी प्रा. नंदा पाटील, प्रा. डॉ. माधुरी देशमुख, श्री. कोरे उपस्थित होते. विटा नगरपरिषदेच्या नगरसेविका प्रगती भरत कांबळे यांनी त्यांचे अभिनंदन केले.
फोटो - ०४०१२०२१-विटा-पुरस्कार : रेणावी येथील सीमा सावंत यांना महासंघाचे महासचिव नामदेवराव कांबळे यांच्याहस्ते क्रांतिज्योती सावित्रीबाई फुले आदर्श शिक्षक पुरस्कार प्रदान करण्यात आला.