सातारा : येथील उद्योजक चाँद शमशुद्दीन शेख (वय ३६) यांना मारहाण करून लुटल्याचा आरोप असलेले चार संशयित वडूज (ता. खटाव) येथे पोलिसांना सापडले. त्यांच्याकडून मोबाइल आणि दीड हजारांची रोकड पोलिसांनी जप्त केली आहे. बाजीराव विलास कोरडकर, आकाश ज्ञानेश्वर कापले, अमर बापूसाहेब देवगुडे (सर्व, रा. कोडोली ता. सातारा) अशी संशयितांची नावे असून, एका अल्पवयीन मुलास ताब्यात घेण्यात आले आहे. मूळचे वरकुटे-मलवडी (ता. माण) येथील असलेले चाँद शेख यांचा नवीन औद्योगिक वसाहतीत ‘सी-टेक इंजिनिअरिंग’ नावाचा कारखाना आहे. बुधवारी रात्री पावणेदहा ते दहाच्या सुमारास ते दुचाकीवरून कारखान्यातून परत निघाले होते. चंदननगरजवळील ओढ्याजवळ एक ढाबा आहे. या ढाब्यासमोर काही जणांची भांडणे सुरू होती. ते पाहून शेख यांनी दुचाकीचा वेग कमी केला. भांडणे करणाऱ्या तिघांनी अचानक शेख यांच्यावरच हल्ला केला.
हल्लेखोर वडूजमध्ये सापडले
By admin | Updated: February 1, 2016 01:11 IST