इस्लामपूर येथे भाजपचे परशुराम सरक, विलासराव नांगरे-पाटील, विकास पाटील, संभाजी गायकवाड यांचे राष्ट्रवादीत प्रदेशाध्यक्ष जयंत पाटील यांनी स्वागत केले. यावेळी रावसाहेब पाटील, अविनाश पाटील, बाबासाहेब मुळीक, हणमंतराव देशमुख उपस्थित होते.
लोकमत न्यूज नेटवर्क
इस्लामपूर : आटपाडी तालुक्यातील भाजपच्या अनेक कार्यकर्त्यांनी सोमवारी इस्लामपूर येथे राष्ट्रवादीत प्रवेश केला. प्रदेशाध्यक्ष जयंत पाटील यांनी त्यांचे स्वागत केले. भाजपच्या जनहितविरोधी धोरणांना कंटाळून अनेक कार्यकर्ते भाजप सोडत आहेत. ही तर सुरुवात आहे, असे ज्येष्ठ नेते रावसाहेब पाटील यांनी यांनी सांगितले.
कामथचे सरपंच, धनगर समाजाचे युवानेते परशुराम सरक, माजी उपसरपंच, ग्रा.पं. सदस्य विकास पाटील, आटपाडीचे माजी उपसरपंच विलासराव नांगरे-पाटील, शेटफळेचे माजी सरपंच संभाजी गायकवाड यांनी राष्ट्रवादीमध्ये प्रवेश केला.
यावेळी राष्ट्रवादीचे जिल्हाध्यक्ष अविनाश पाटील, कार्याध्यक्ष अ‍ॅड. बाबासाहेब मुळीक, जिल्हा सरचिटणीस बाळासाहेब पाटील, आटपाडी तालुकाध्यक्ष हणमंतराव देशमुख, वसंतदादा दूध संघाचे अध्यक्ष विष्णुपंत चव्हाण, सूरज पाटील, प्रभाकर नांगरे, संभाजी पाटील, नंदकुमार नांगरे, किशोर गायकवाड उपस्थित होते.