लोकमत न्यूज नेटवर्क
संजयनगर : आटपाडी येथील होलार समाज मंदिराचे रखडलेले काम एप्रिलच्या पहिल्या आठवड्यात सुरू करणार असून, निधी कमी पडून देणार नाही, अशी माहिती कार्यकारी अभियंता डॉ. एस. आर. काटकर यांनी दिली. सांगली येथे सार्वजनिक बांधकाम विभागाच्या कार्यालयात आयोजित बैठकीत ते बोलत होते.
होलार समाज समन्वय समिती महाराष्ट्र राज्य संस्थापक अध्यक्ष राजाराम ऐवळे यांच्या मार्गदर्शनाखाली शिष्यमंडळाने दि. १० मार्च रोजी सार्वजनिक बांधकाम विभागाला निवेदन दिले होते. यात आटपाडी येथील होलार समाज मंदिराच्या रखडलेल्या कामाबाबत चर्चा करण्यात आली. रखडलेले काम एप्रिलच्या पहिल्या आठवड्यात सुुरू करणार, तसेच कोणत्याही परिस्थितीत अडचणी दूर करून समाज मंदिराचे काम मार्गी लावू, अशी ग्वाही एस. आर. काटकर यांनी दिली.
यावेळी दिनकर हातेकर, बाळासाहेब हेगडे, आनंदराव ऐवळे, राजाराम ऐवळे, दत्ताभाऊ गेजगे उपस्थित होते.