इस्लामपूर : पेठनाका (ता. वाळवा) येथे वनश्री दिवंगत नानासाहेब महाडिक यांच्या निवासस्थानी भाजप नेते आमदार अ‍ॅड. आशिष शेलार यांनी सदिच्छा भेट दिली. त्यांच्यासमवेत आमदार गोपीचंद पडळकर, ज्येष्ठ नेते मकरंद देशपांडे उपस्थित होते. भाजयुमोचे प्रदेश उपाध्यक्ष राहुल महाडिक व प्रदेश कार्यसमिती सदस्य सम्राट महाडिक यांनी त्यांचे स्वागत केले. यावेळी नानासाहेब महाडिक यांच्या प्रतिमेस अभिवादन करण्यात आले. भारतीय जनता किसान मोर्चा व रयत क्रांती संघटना आयोजित किसान आत्मनिर्भर यात्रेचा प्रारंभ आ. शेलार यांच्या प्रमुख उपस्थितीत इस्लामपूर विधानसभा मतदारसंघातील येडेमच्छिंद्र येथून झाला.
यावेळी शेलार यांनी इस्लामपूर व शिराळा विधानसभा मतदारसंघातील महाडिक बंधूंच्या प्रवेशानंतर भाजपमध्ये आलेल्या नवचैतन्याचे कौतुक केले. शेलार यांनी राहुल महाडिक व सम्राट महाडिक यांच्याकडून दोन्ही मतदारसंघाचा आढावा घेतला. येणाऱ्या काळात दोन्ही मतदारसंघात महाडिक बंधूंना ताकद देणार असल्याचे त्यांनी स्पष्ट केले. तसेच व्यंकटेश्वरा शिक्षण संस्था, क्रेडिट सोसायटीसह इतर संस्थांचीही माहिती घेतली. कोरोना काळात केलेल्या अविरत समाजसेवेसाठी कौतुकाची थाप दिली.
यावेळी जि. प. सभापती जगन्नाथ माळी, सतीश महाडिक, कपिल ओसवाल, नगरसेवक अमित ओसवाल, कृष्णा कारखान्याचे संचालक गिरीश पाटील, पै. बबन शिंदे, सरपंच राहुल कदम, महाडिक युवाशक्तीचे अध्यक्ष सुजित थोरात, आर. एम. बागडी उपस्थित होते.
फोटो २४१२२०२०-आयएसएलएम-पेठ नाका न्यूज
पेठनाका (ता. वाळवा) येथे भाजपचे आमदार आशिष शेलार, आ. गोपीचंद पडळकर यांचे स्वागत राहुल महाडिक, सम्राट महाडिक यांनी केले. यावेळी जगन्नाथ माळी, अमित ओसवाल, सतीश महाडिक, कपिल ओसवाल उपस्थित होते.