दुधगाव : दुधगाव (ता. मिरज) येथे वीर सेवा दलाचा ४२ वा वर्धापनदिन, कृतज्ञता, प्रेरणा व चेतना सन्मान सोहळा दिनांक २६ जानेवारी रोजी आयाेजित करण्यात आला आहे.
या कार्यक्रमाच्या पहिल्या सत्रात दान चिंतामणी बाबासो नानगोडा पाटील इंग्लिश मीडियम स्कूलचे नामकरण, कृतज्ञता सन्मान व चेतना सन्मान सोहळा स्वाभिमानी शेतकरी संघटनेचे संस्थापक व माजी खासदार राजू शेट्टी, दक्षिण भारत जैन सभेचे अध्यक्ष रावसाहेब पाटील व प्राचार्य श्रीधर हेरवाडे यांच्या अध्यक्षतेखाली होणार आहे.
दुसऱ्या सत्रात वीराचार्य स्मृती ग्रंथ प्रकाशन, आदर्श पाठशाळा शिक्षक सन्मान सोहळा प्रमुख वक्ते, विचारवंत इंद्रजित देशमुख यांच्या हस्ते व माजी उपअधीक्षक श्रीकांत पाटील यांच्या अध्यक्षतेखाली होणार असल्याची माहिती संस्थेचे अध्यक्ष शशिकांत राजोबा यांनी दिली. या सोहळ्याला सर्वांनी उपस्थित राहावे, असे आवाहन संस्थेचे अध्यक्ष एन. जे. पाटील यांनी केले आहे.