लोकमत न्यूज नेटवर्क
गव्हाण : महाराष्ट्राचे माजी उपमुख्यमंत्री तथा गृहमंत्री आर. आर. (आबा) पाटील यांच्या सहाव्या पुण्यतिथीनिमित्त अंजनी (ता. तासगाव) येथे समाधीच्या ठिकाणी कुटुंबीयांसह मान्यवरांनी विनम्र अभिवादन केले.
आई भागिरथी, पत्नी आमदार सुमन पाटील, मुलगा रोहित, कन्या स्मिता व सुप्रिया, बंधू राजाराम आणि सुरेश यांच्यासह कुटुंबियांनी आबांच्या समाधीचे दर्शन घेऊन अभिवादन केले. राष्ट्रवादीच्या मतदारसंघाचे अध्यक्ष हणमंतराव देसाई, तासगाव तालुका अध्यक्ष विश्वास पाटील, राज्याचे प्रदेश उपाध्यक्ष ताजुद्दीन तांबोळी, तासगाव तालुका उपाध्यक्ष जितेंद्र सरवदे, कार्याध्यक्ष संजय पाटील, जिल्हा परिषद सदस्य सतीश पवार, सागर पाटील, संजय पाटील, अर्जुन पाटील, पंचायत समिती सभापती कमल पाटील, उपसभापती डाॅ. शुभांगी पाटील, माजी उपसभापती संभाजी पाटील यांच्यासह सदस्य, तासगाव बाजार समितीचे सभापती अजित जाधव, माजी सभापती रवींद्र पाटील, युवक राष्ट्रवादीचे तासगाव तालुकाध्यक्ष दत्ता हावळे, अमोल पाटील, माजी नगराध्यक्ष अमोल शिंदे, सावळजचे ज्येष्ठ नेते बी. टी. पाटील यांसह सामाजिक, सांस्कृतिक, साहित्यिक क्षेत्रातील मान्यवरांनी आबांच्या समाधीचे दर्शन घेऊन अभिवादन केले.
महांकाली उद्योग समूहाच्या अध्यक्षा अनिता सगरे, तालुका राष्ट्रवादीचे अध्यक्ष टी. व्ही. पाटील, कार्याध्यक्ष महेश पवार, पंचायत समिती सभापती विकास हाक्के, माजी सभापती सुरेखा कोळेकर, एम. के. पाटील, महेश पाटील, दादासाहेब कोळेकर, दत्ताजीराव पाटील, अमर शिंदे, दिग्विजय शिंदे, अक्षय पाटील, नचिकेत पाटील यांच्यासह कवठेमहांकाळ तालुक्याच्या विविध क्षेत्रातील मान्यवरांनी आबांच्या समाधीचे दर्शन घेतले.