शहरं
Join us  
Trending Stories
1
जातीय जनगणनेसाठी सरकारला पूर्ण पाठिंबा, पण..., राहुल गांधींच्या केंद्राला 'या' 4 मागण्या
2
केवळ अजित पवारच नव्हे, शरद पवारांच्या राष्ट्रवादीकडूनही मोदी सरकारच्या निर्णयाचं स्वागत
3
जातनिहाय जनगणना; अमित शाह म्हणाले ऐतिहासिक निर्णय, ओवेसी म्हणाले भाजपनं दलित मुस्लिमांसाठी...'
4
“सर्वच प्रश्न सुटतील, योग्य न्याय मिळेल”; जातिनिहाय जनगणना निर्णयाचे छगन भुजबळांकडून स्वागत
5
पुढच्या हंगामात खेळणार का? MS धोनीनं प्रश्न विचारणाऱ्या डॅनी मॉरिसनचीच घेतली फिरकी (VIDEO)
6
दुकानदाराच्या डोळ्यात मिरची पूड टाकून ५० हजार रुपये लुटले, संपूर्ण प्रकार कॅमेऱ्यात कैद!
7
केंद्र सरकारने अचानक जातीय जनगणनेचा निर्णय का घेतला? काँग्रेसचा सवाल...
8
“शेतकऱ्यांना विमा कवच आवश्यक, नवा पॅटर्न अन्यायकारक, योजना पहिल्यासारखी सुरु ठेवा”: सपकाळ
9
'फक्त एकाला मारणार, जो लाखांच्या...!'; लॉरेंस बिश्नोई गँगची पाकला धमकी, कुणावर निशाणा?
10
गुरुवारी विनायक चतुर्थी: ५ मिनिटे लागतील, स्वामी-बाप्पा कृपा करतील; ‘हे’ मंत्र-श्लोक म्हणाच
11
BREAKING: देशात जातिनिहाय जनगणना होणार; केंद्रातील मोदी सरकारचा मोठा निर्णय
12
'या' स्फूर्तिदायी काव्यरचनांमधून द्या महाराष्ट्र दिनाच्या शुभेच्छा आणि शेअर करा आकर्षक शुभेच्छा पत्रं!
13
"CSKला धोनीची गरज नाही, संघाच्या भविष्यासाठी..."; MSD ज्याला आदर्श मानतो, त्यानेच मांडलं रोखठोक मत
14
विनायक चतुर्थी: गणपती पूजनात ‘या’ गोष्टी हव्यातच, कसे कराल व्रत? पाहा, सोपी पद्धत अन् मान्यता
15
विनायक चतुर्थी: ६ राशींना अनुकूल, अडकलेले पैसे मिळतील; नोकरीत पदोन्नती, बाप्पा चांगलेच करेल!
16
"PM मोदींना लष्कराला फ्री हॅन्ड देण्याचा अधिकारच नाही, तो तर..."; प्रकाश आंबेडकरांचं थेट कायद्यावर बोट
17
IPL 2025 : कुलदीप-रिंकू यांच्यात नेमकं काय घडलं? खरी गोष्ट आली समोर (VIDEO)
18
मैत्रिणीचे लग्न आटोपून घरी येताना अल्पवयीन मुलीवर सामूहिक बलात्कार, ९ जणांना अटक
19
जातिनिहाय जनगणना होणार, मोदींनी राहुल गांधींच्या हातून मोठा मुद्दा हिसकावला, असे आहेत फायदे तोटे  

कृष्णेतील पाण्यावर कर्नाटकात ऐनापूर सिंचन योजनेला सुरुवात

By admin | Updated: July 22, 2016 00:03 IST

सांगली जिल्हा वंचितच : सीमावर्तीय गावांना फायदा

सदानंद औंधे -- मिरज --कृष्णा नदीतील वाहून जाणारे पाणी उचलण्यासाठी कर्नाटकात ऐनापूर जलसिंचन योजना सुरू करण्यात आली आहे. त्यामुळे सीमा भागातील लोकूर, मंगसुळी, केंपवाड, मदभावीसह १५ गावांत कालव्याद्वारे पाणी पोहोचले असून अनेक गावांतील तलाव भरण्यात येत आहेत. सांगली जिल्ह्यात मात्र, कर्नाटकात वाहून जाणारे पाणी ताकारी, म्हैसाळ, टेंभू योजनेद्वारे दुष्काळी भागात नेण्याबाबत केवळ चर्चा व ठरावच सुरू आहेत. कर्नाटक सीमाभागात एप्रिल, मे महिन्यात नदीपात्र कोरडे पडल्याने कागवाड ते जमखंडीपर्यंत नदीकाठावरील शंभर गावांत तीव्र पाणीटंचाई निर्माण झाली होती. उगार व कुडची येथे नदीपात्रात पाण्याचा खडखडाट असल्याने, नदीच्या दोन्ही काठावरील कुडची, उगार, जुगूळ, शिरगुप्पी, ऐनापुर, कृष्णाकित्तूर यांसह अनेक गावांत नळपाणी योजना बंद पडल्या होत्या. पाणीपुरवठा योजना बंद पडल्याने टँकरद्वारे पाणीपुरवठा सुरू होता. शिरोळजवळ राजापूर येथील बंधाऱ्यापुढे कर्नाटक हद्दीत कृष्णा नदी कोरडी पडल्याने तीव्र पाणीटंचाई झाल्याने, वारणा व कोयना धरणातून दोन टीएमसी पाणी सोडण्यात आले होते. मात्र जुलै महिन्यात महाराष्ट्रात कोल्हापूर व सांगली जिल्ह्यात झालेल्या संततधार पावसाने ही परिस्थिती बदलली आहे. सध्या कृष्णा नदी दुथडी भरून वाहत असून जमखंडीजवळ सहा टीएमसी क्षमता असलेले कृष्णा नदीवरील हिप्परगी धरण पूर्ण भरले आहे. कृष्णा नदीतून वाहणारे पाणी उचलण्यासाठी ऐनापूर येथील सिंचन योजना ५ जुलैपासूनच सुरू करण्यात आली असून, पाच पंपांद्वारे प्रति सेकंद ३०० क्युसेक पाणी उपसा करण्यात येत आहे. हे पाणी कालव्याद्वारे मदभावी, लोकूर, मंगसुळी, केंपवाडसह १५ गावांत पोहोचले आहे. मंगसुळी व मदभावी येथील तलाव भरण्यात येत आहेत. सीमा भागातील या अवर्षणग्रस्त गावांतील तलाव भरल्याने येथील पाणीटंचाई दूर होणार आहे. ऐनापूर योजनेची सिंचन क्षमता २७ हजार हेक्टर क्षेत्राची आहे. वाहून जाणाऱ्या पाण्याचा पुरेपूर वापर करून लाभक्षेत्रातील गावांत पाणी सोडले जात आहे. मात्र सांगली जिल्ह्यात टेंभू, ताकारी व म्हैसाळ योजनेबाबत चर्चेचे गुऱ्हाळच सुरू असल्याने, कृष्णा नदीतून कर्नाटकात पाणी वाहून जात आहे.