ओळ : शिराळा येथे कारपे संस्थेतर्फे नगर पंचायत कर्मचाऱ्यांना सुरक्षा साधनांचे वाटप करण्यात आले.
लोकमत न्यूज नेटवर्क
शिराळा : कोरोना साहाय्यता निधी अंतर्गत अजीम प्रेमजी फाउंडेशन व कारपे संस्थेतर्फे शिराळा नगरपंचायतीचे मुख्याधिकारी याेगेश पाटील यांच्या प्रयत्नातून नगर पंचायतीकडील स्वच्छता व घनकचरा व्यवस्थापनाचे काम करणाऱ्या स्वच्छता सेवकांना स्वच्छतेची सुरक्षा साधने व अन्नधान्य किटचे वाटप करण्यात आले.
या वेळी कारपे संस्थेचे साहाय्यक प्रकल्प समन्वयक विजय सपकाळ व प्रकल्पप्रमुख राहुल निकम यांनी कार्यक्रमाचे स्वरूप सांगितले. मुख्याधिकारी योगेश पाटील यांनी मार्गदर्शन केले. नगराध्यक्ष सुनीता निकम यांनी आभार मानले. या कार्यक्रमाला उपनगराध्यक्ष विजय दळवी, नगरसेवक संजय हिरवडेकर, कार्यालयीन अधीक्षक सुविधा पाटील, कारपे संस्थेचे सोमिनाथ फुले, निहाल बनसोडे, ऋषीकेश कांबळे, गणेश काशीद, सुहास आर्किले उपस्थित होते.