अजय शिंदे यांना 'राष्ट्रीय समाज सेवारत्न' पुरस्कार

आष्टा : येथील मराठा ऑर्गनायझेशनचे महाराष्ट्र राज्य संपर्कप्रमुख अजय शिंदे यांना दक्षिण आफ्रिकेचे राष्ट्रपती नेल्सन मंडेला यांच्या स्मृती दिनानिमित्त द ग्लोबल ह्युमन राइट फाउंडेशन गव्हर्नमेंट ऑफ दिल्ली यांचा ‘राष्ट्रीय समाजसेवा रत्न २०२१’ हा पुरस्कार देण्यात आला. खासदार धैर्यशील माने यांच्या हस्ते या पुरस्काराचे वितरण करण्यात आले. खासदार धैर्यशील माने म्हणाले, आष्टा येथील अजय शिंदे हे मराठा ऑर्गनायझेशन महाराष्ट्र राज्यच्या माध्यमातून महाराष्ट्र राज्यामध्ये विविध सामाजिक उपक्रम राबवत आहेत. या पुरस्कारामुळे आष्टा नगरीच्या शिरपेचात मानाचा तुरा रोवला गेला आहे. यावेळी दत्तात्रय डफळे, मोहन माने, रोहित लाड, हर्षवर्धन सावंत, अयान इनामदार, मोहित पोतदार, सुरज सावंत, श्रेयस शिराळकर, यश मेंगाने उपस्थित होते.