सांगलीवाडीमध्ये अपघात; एक ठार

भरधाव मोटारी पाठीमागून धडक

सांगली : भरधाव मोटारीने पाठीमागून धडक दिल्याने मंचूर (जि. सोलापूर) येथील नानासाहेब मधुकर डोके (वय ५०) हे सायकलस्वार ठार झाले. सांगलीवाडीतील यश ढाब्यासमोर आज (रविवार) सकाळी हा अपघात झाला. डोके सांगलीवाडीतील लक्ष्मी फाट्यावर राहतात. ते सायकलवरुन सांगलीवाडीतील टोल नाक्यावर येत होते. त्यावेळी सांगलीकडे भरधाव वेगाने येणार्‍या मोटारीने (क्र. एमएच-१२. ईटी. ११०६) त्यांना धडक दिली. यामध्ये ते सायकलसह रस्त्यावर उडून पडले. त्यांच्या डोक्याला गंभीर दुखापत झाल्याने प्रचंड रक्तस्त्राव झाला होता. त्यांना उपचारासाठी सांगलीच्या शासकीय रुग्णालयात दाखल केले, मात्र वैद्यकीय अधिकार्‍यांनी ते मृत झाल्याचे घोषित केले. विच्छेदन तपासणीनंतर मृतदेह नातेवाईकांच्या ताब्यात दिला. अपघातग्रस्त मोटार पोलिसांनी जप्त केली असून, ती पुण्याची आहे. वाहनचालकाविरुद्ध रात्री उशिरापर्यंत गुन्हा दाखल केला नव्हता. डोके कुटुंबासह शेजात मजुरी करत होते. (प्रतिनिधी)