देवरुख : संगमेश्वर तालुक्यातील फुणगूस बौद्धवाडी येथे राहणाऱ्या तरुणाने शुक्रवारी गळफास लावून आत्महत्या केली. अमितकुमार अरविंद कदम असे त्याचे नाव आहे. हा तरुण मूळचा निवेंडी येथील राहणारा असून, त्याच्या आत्महत्येचे नेमके कारण स्पष्ट झालेले नाही.
संगमेश्वर पोलीस ठाण्यातून मिळालेल्या माहितीनुसार याबाबतची फिर्याद राहुल जाधव यांनी दिली आहे. अमितकुमार कदम हा नोकरीनिमित्त फुणगूस बौद्धवाडीत राहत होता. ताे येथील प्राथमिक आरोग्य केंद्रात दोन वर्षांपूर्वी परिचरपदी कार्यरत झाला होता. अतिशय मनमिळाऊ आणि हरहुन्नरी होता. अमित शनिवारी सकाळी उशिरापर्यंत उठला नाही़ शेजाऱ्यांना संशय आला म्हणून त्यांनी खिडकीतून आत पाहिले असता त्याने घराच्या वाशाला नायलॉनच्या दोरीने गळफास लावून आत्महत्या केल्याचे दिसले़
या घटनेची माहिती मिळताच संगमेश्वर पोलीस ठाण्याचे पोलीस निरीक्षक उदय झावरे यांच्या मार्गदर्शनाखाली हेड कॉन्स्टेबल प्रशांत शिंदे, संदेश मोंडे, आकाश लांडगे यांनी घटनास्थळी भेट देऊन पंचनामा केला. अधिक तपास चंदू कांबळे करीत आहेत.