लाेकमत न्यूज नेटवर्क
लांजा : बंद पडलेल्या कंटेनरला पाठीमागून दुचाकी आदळून झालेल्या अपघातात प्राैढाचा जागीच मृत्यू झाल्याची घटना साेमवारी रात्री ८.३० वाजण्याच्या दरम्याने सापुचेतळे येथे घडली. रमेश शंकर धुमक (वय ३८, रा. उपळे, माेडकवाडी) असे मृत्यू झालेल्या प्राैढाचे नाव आहे.
पोलिसांनी दिलेली माहिती अशी की, उपळे मोडकवाडी येथील रमेश शंकर धुमक (वय ३८) हे दुचाकी (एमएच ०८, एटी ४२३२) घेऊन सोमवारी सकाळी ९ वाजता रत्नागिरी येथे कामाला गेले होते. काम आटोपून ते पावस मार्गाने उपळे येथे येत हाेते. या मार्गावरील सापुचेतळे येथे रस्त्याच्या बाजूला चिरा भरलेला कंटेनर (केऐ २८, डी ४३११) हा बंद पडल्याने उभा करून ठेवण्यात आला हाेता.
या कंटेनरला दुचाकीची जाेरदार धडक बसली. त्यामध्ये त्यांच्या डोक्याला, छातीला, पायाला गंभीर दुखापत झाल्याने त्यांचा जागीच मृत्यू झाला.
या अपघाताची माहिती मिळताच पोलीस निरीक्षक अनिल गंभीर, उपनिरीक्षक प्रशांत जाधव, हेडकाॅन्स्टेबल राजेंद्र कांबळे, चालक चेतन घडशी यांनी घटनास्थळी जाऊन पंचनामा केला. अपघाताची माहिती त्यांचा चुलत भाऊ बाळू रामचंद्र धुमक यांनी लांजा पोलिसांना दिली. डोक्याला गंभीर दुखापत झाल्याने रमेश धुमक यांचा जागीच मृत्यू झाल्याचा प्राथमिक अंदाज पोलिसांनी वर्तवला आहे. अधिक तपास पोलीस करीत आहेत.