रत्नागिरी : ललित लेखिका रश्मी कशेळकर यांचे ‘भुईरिंगण’ हे पुस्तक बी. ए.च्या अभ्यासक्रमासाठी निवडण्यात आले आहे. देवरुख येथील आठल्ये-सप्रे स्वायत्त महाविद्यालयाच्या तृतीय वर्ष कला अभ्यासक्रमासाठी या पुस्तकाची निवड करण्यात आली आहे.
कोकणचा रम्य निसर्ग व समुद्राकाठचे लोकजीवन यांचा भावस्पर्शी नितळ अनुभव हे पुस्तक देते. या पुस्तकाची पहिली आवृत्ती ‘मॅजेस्टिक’कडून व दुसरी आवृत्ती सुरंगी प्रकाशन, रत्नागिरी यांनी प्रकाशित केली आहे. कशेळकर यांचा ‘भुईरिंगण’नंतरचा ‘भुयपर्मळ’ हा मौज प्रकाशनाने प्रकाशित केलेला दुसरा ललितलेख संग्रहही अल्पावधीतच यशस्वी ठरला आहे. या पुस्तकाच्या सुयोग्य निवडीने आठल्ये-सप्रे महाविद्यालयाने दर्जेदार साहित्याचा अभ्यासक्रमात समावेश करण्याची आपली परंपरा कायम राखली आहे.