रत्नागिरी : कोकणासह महाराष्ट्रात ठिकठिकाणी विजांच्या कडकडाटासह पाऊस पडण्याचा इशारा हवामान खात्याने वर्तविला आहे. दि. ४ ते दि. ८ मे दरम्यान मेघगर्जनेसह विजांच्या कडकडाटासह पाऊस पडणार असल्याचे हवामान खात्याने स्पष्ट केले आहे.
दि. ४ मे रोजी मध्य महाराष्ट्र व मराठवाड्यात तुरळक ठिकाणी मेघगर्जना व विजांच्या कडकडाटासह वादळी वारे वाहण्याची आणि पाऊस पडण्याची शक्यता वर्तविण्यात आली आहे. दि. ५ मे रोजी मध्य महाराष्ट्रासह मराठवाडा व विदर्भात तुरळक ठिकाणी मेघगर्जना व विजांच्या कडकडाटासह पाऊस पडण्याची शक्यता आहे. दि. ६ मे रोजी मध्य महाराष्ट्रात, मराठवाड्यात व विदर्भात तुरळक ठिकाणी मेघगर्जना व विजांच्या कडकडाटासह वादळी वारे वाहण्याची आणि पाऊस पडण्याची शक्यता आहे. दि. ७ मे रोजी मध्य महाराष्ट्रात, मराठवाड्यात व विदर्भात तुरळक ठिकाणी मेघगर्जना व विजांचा कडकडाट व वादळी वाऱ्यासह पाऊस पडणार आहे. कोकणात तुरळक ठिकाणी मेघगर्जना व विजांच्या कडकडाटासह पाऊस पडण्याची शक्यता आहे.
दि. ८ मे रोजी मध्य महाराष्ट्रात व मराठवाड्यात तुरळक ठिकाणी मेघगर्जना व विजांच्या कडकडाटासह वादळी वारे वाहण्याची आणि पाऊस पडण्याची शक्यता वर्तविण्यात आली आहे. कोकणात व विदर्भात तुरळक ठिकाणी मेघगर्जनेसह व विजांच्या कडकडाटात पाऊस पडण्याची शक्यता वर्तविण्यात आली आहे. दरम्यान, मेघगर्जना व विजांच्या कडकडाटासह वादळी वारे आणि पाऊस पडण्याची शक्यता लक्षात घेता, कापणी केलेली पिके शेडमध्ये किंवा प्लास्टिकच्या कागदाने झाकून ठेवावीत. जनावरांना सुरक्षित ठिकाणी बांधावे. वादळी वाऱ्याचा अंदाज घेत, फळधारणेवर असलेली पिके व भाजीपाला पिके याना बांबू किंवा काठीचा आधार देऊन दोरीच्या साहाय्याने झाडे एकमेकांना बांधून ठेवत सतर्कता बाळगण्याचे आवाहन करण्यात आले आहे.