दापोली : राष्ट्रवादी काँग्रेस पार्टीच्या दापोली, खेड, मंडणगड तालुक्यातील महिला व युवती संघटनेच्या पदाधिकाऱ्यांची ऑनलाइन बैठक माजी आमदार संजय कदम यांच्या पत्नी सायली कदम व युवती जिल्हा उपाध्यक्ष संख्या पवार यांच्या मार्गदर्शनाखाली पार पडली.
३० पोलिसांना पदोन्नती
खेड : खेड, दापोली व मंडणगड या तीन तालुक्यांत पोलिसांच्या विभागातून ३० पोलिसांना पदाेन्नती बहाल करण्याचा समारंभ डीवायएसपी काशिद यांच्या अध्यक्षतेखाली आणि पोलीस निरीक्षक निशा जाधव, दापोली पोलीस निरीक्षक, साहाय्यक पोलीस निरीक्षक, पोलीस उपनिरीक्षक यांच्या उपस्थितीत पार पडला.
भात लावणी रखडली
खेड : तालुक्यात पावसाने मृग नक्षत्रात दडी मारल्याने बळीराजा चिंतेत पडला आहे. पाऊस कधी पडेल याचा नेम नाही तरीही पावसाच्या आगमनाकडे सर्वांचे लक्ष लागले आहे. पावसाअभावी लावणीची कामे रखडली आहेत. पावसाने दडी मारल्याने हवेत उष्णतेचे प्रमाण वाढले असून कडकडीत ऊन पडले आहे.
शेतकऱ्यांना प्रशिक्षण
दापोली : येथील डॉ. बाळासाहेब सावंत कोकण कृषी विद्यापीठांतर्गत असलेल्या कृषी विद्या विभागातर्फे सेंद्रिय शेती संशोधन व प्रशिक्षण प्रकल्पांतर्गत शेतकऱ्यांकरिता सेंद्रिय भात लागवड व उत्पादन तंत्रज्ञान यावर एक दिवसीय प्रशिक्षण पार पडले.
ऑनलाइन प्रश्नमंजूषा स्पर्धा
राजापूर : तालुक्यातील पूर्व विभागातील पाचल येथील मनोहर हरी खापणे महाविद्यालयात शाहू महाराज जयंती विविध उपक्रमांनी साजरी करण्यात आली. शाहू महाराजांचे जीवन व कार्य अधिकाधिक लोकांपर्यंत जावे या उद्देशाने ही राष्ट्रीय प्रश्नमंजूषा आयोजित केली होती.