औषधांचे वाटप
गुहागर : तालुक्यातील आबलोली ग्रामपंचायतीमध्ये नितीन कारेकर यांनी दिलेल्या रोगप्रतिकारक औषधांचे वाटप करण्यात आले. सरपंच तुकाराम पागडे, पोलीसपाटील महेश भाटकर, ग्रामसेवक बी. बी. सूर्यवंशी, तलाठी आनंद काजरोळकर उपस्थित होते.
मंगळवारी शोकसभा
राजापूर : तालुका काॅंग्रेसचे माजी तालुकाध्यक्ष जयवंत दुधवडकर, जिल्हाध्यक्ष विजयराव भोसले यांना श्रध्दांजली अर्पण करण्यासाठी तालुका काॅंग्रेसतर्फे दि.१३ जुलैरोजी शोकसभेचे आयोजन करण्यात आले आहे. नगराध्यक्ष जमीर खलिफे यांच्या इमारतीत शोकसभा होणार आहे.
बसफेरीची मागणी
राजापूर : राजापूर रेल्वेस्टेशन, फुफेरे मार्गावर सध्या एकही एसटी फेरी धावत नसल्याने ग्रामस्थांना खासगी वाहनांचा आधार घ्यावा लागत आहे. त्यामुळे सकाळी व सायंकाळी अशा दोन फेऱ्या सुरू करण्यात याव्यात, अशी मागणी ग्रामस्थांतून होत आहे.
आंबोळगड-कोल्हापूर बस
राजापूर : राजापूर आगारातर्फे दि. ८ जुलैपासून सकाळी सात वाजता आंबोळगड-कोल्हापूर बस सुरू करण्यात येणार आहे. नाटे, धाऊलवल्ली, राजापूर, पाचल, अणुस्कूरामार्गे कोल्हापूरला पोहाेचणार आहे. दुपारी एक वाजता याच मार्गावरून परतीसाठी बस निघणार आहे.