खेड : पक्षप्रमुख, मुख्यमंत्री उद्धव ठाकरे यांना अभिप्रेत असलेले संघटना बांधणीचे काम करुन शिवसेना पक्ष संघटना अजून मजबूत करण्याचे आवाहन आमदार योगेश कदम यांनी केले. नवीन सदस्य नोंदणी, मतदार नोंदणी, शिवसेना, युवा सेना, महिला आघाडी संघटना मजबुतीकरणाचे काम सर्वांनी तन, मन, धन अर्पून करताना हे संपर्क अभियान यशस्वीपणे राबवून संघटना वाढवूया, असे आवाहन आमदार योगेश कदम यांनी खेड येथे शिवसेना पदाधिकारी व लोकप्रतिनिधींच्या बैठकीत केले.
यावेळी उपजिल्हाप्रमुख सुधीर कालेकर, तालुकाप्रमुख विजय जाधव, माजी जिल्हाप्रमुख शशिकांत चव्हाण यांनीही मार्गदर्शन केले. या बैठकीला सभापती मानसी जगदाळे, माजी सभापती अण्णा कदम, विजय कदम, सुप्रिया पवार, अपर्णा नक्षे, रतन रांगडे, शहरप्रमुख निकेतन पाटणे, उपतालुकाप्रमुख विष्णू आंब्रे, अनंत काजारे, विभागप्रमुख श्रीकांत शिर्के, सुधीर कदम, विश्वास कदम, सचिव सचिन धाडवे, उपनगराध्यक्ष सुनील दरेकर, सहसचिव संदीप कांबळे, सहसंघटक अंकुश काते, युवा सेना जिल्हा अधिकारी अजिंक्य मोरे, युवा सेना सचिव राकेश सागवेकर, करण चव्हाण, माजी नगराध्यक्ष अरविंद तोडकरी, नागेश तोडकरी, गटनेता बंटी तोडकरी, सर्व नगरसेवक, जिल्हा परिषद सदस्य व पदाधिकारी उपस्थित होते. शिवसेना सचिव सचिन धाडवे यांनी उपस्थितांचे आभार मानले.