खेड : राष्ट्रवादी शहराध्यक्ष सतीश चिकणे यांनी पक्षाला साेडचिठ्ठी देताच राष्ट्रवादी पक्षाने तातडीने त्यांच्या जागी राजू संसारे यांची निवड जाहीर केली आहे. राष्ट्रवादी पक्षाकडून कोणतीही अधिकृत प्रतिक्रिया आली नसली तरी खेड नगरपालिकेतील माजी स्वीकृत नगरसेवक राजू संसारे यांची राष्ट्रवादी शहराध्यक्षपदी निवड करण्यात आली.
या निवडीवेळी राष्ट्रवादी जिल्हाध्यक्ष बाबाजी जाधव, माजी आमदार संजय कदम, तालुकाध्यक्ष स. तु. कदम, नगरसेवक तौसिफ खोत, अजय माने, जयमाला पाटणे उपस्थित हाेते. मात्र, याबाबत पक्षाकडून काेणतीच अधिकृत माहिती देण्यात आलेली नसून, साेशल मीडियावर मात्र निवडीचे फाेटाे झळकू लागले आहेत. गेल्या चार वर्षांपासून राष्ट्रवादी पक्षाची शहरात धुरा सांभाळणारे चिकणे यांच्या जाण्याने पक्षाला कोणताही फरक पडत नसल्याचे राष्ट्रवादीकडून या कृतीने दर्शविण्यात आल्याची चर्चा राजकीय वर्तुळात सुरू आहे.