आबलोली :
श्री संताजी जगनाडे महाराज प्रतिष्ठान, जोगेश्वरी पूर्व ( मुंबई) तेली समाज आयोजित श्री संताजी जगनाडे महाराज चषक क्रिकेट स्पर्धा घेण्यात आली. या स्पर्धेत राजापूर तालुक्यातील आजिवली - तेलीवाडी येथील श्री दत्तगुरू क्रिकेट क्लब संघाने विजेतेपद पटकावले.
स्पर्धेचे उद्घाटन नगरसेवक बाळा नार, विश्वनाथ सावंत, नंदकुमार ताम्हणकर यांच्या हस्ते करण्यात आले. यावेळी संतोष रहाटे, प्रवीण रहाटे, विनोद झगडे, दिलीप कांदरकर, गणेश महाडिक, चंद्रकांत घाणेकर, गीता झगडे, रोहिणी महाडिक, राजेंद्र तेली, कमलाकर तेली, विकास गवाणकर यांच्यासह समाज बांधव उपस्थित होते.
स्पर्धेत जाेगेश्वरीच्या डी. के. बॉईज संघाला उपविजेत्या पदावर समाधान मानावे लागले. सामनावीर म्हणून नितेश दत्ताराम देवरूखकर (आजीवली), उत्कृष्ट गोलंदाज जितेंद्र झगडे (आजीवली), उत्कृष्ट फलंदाज प्रसाद झगडे (डी. के. बॉईज) यांना गौरविण्यात आले.
स्पर्धा यशस्वी करण्यासाठी संस्थेचे अध्यक्ष चंद्रकांत कामतेकर, दिलीप कांदळकर, श्री संताजी जगनाडे महाराज प्रतिष्ठान तेली समाज, जोगेश्वरी मुंबईचे संतोष रहाटे यांनी परिश्रम घेतले.