असगोली : गुहागर तालुक्यातील वरवेली तेलीवाडी येथील तरुण उत्साही मंडळातर्फे श्री काशी विश्वेश्वर मंदिर द्वितीय वर्धापन दिन कार्यक्रमात वरवेली तेलीवाडी येथील शक्तीवाले शाहीर, भजनी बुवा व मृदुंगवादक सूर्यकांत नारायण रसाळ यांचा मंडळाचे अध्यक्ष दशरथ किर्वे यांच्या हस्ते सत्कार करण्यात आला.
यावेळी प्रभाकर किर्वे, दीपक किर्वे, गणेश किर्वे, नीलेश रसाळ, संतोष किर्वे व मंडळाचे कार्यकर्ते उपस्थित होते. मंडळातर्फे श्री काशी विश्वेश्वर मंदिर द्वितीय वर्धापन दिनानिमित्त विविध कार्यक्रम आयोजित करण्यात आले होते. सकाळी शिवपिंडी पूजन, अभिषेक, आरती, दुपारी विविध खेळांचे कार्यक्रम, रात्री महाआरती, सत्कार सोहळा व स्थानिक भजन आदी कार्यक्रम पार पडले.
.............................
फोटो आहे. (असगोली फोल्डर)
गुहागर तालुक्यातील वरवेली तेलीवाडी येथील काशी विश्वेश्वर मंदिर द्वितीय वर्धापन दिनाच्या कार्यक्रमात शाहीर सूर्यकांत रसाळ यांचा सत्कार करण्यात आला.