धोकादायक ३८ इमारती ‘जैसे थे’

नोटीसचा फार्स : दुर्घटना घडल्यानंतरच येणार का पालिकेला जाग?

रत्नागिरी : पावसाळ्यात धोकादायक असलेल्या तीस वर्षांपूर्वीच्या शहरातील ३८ धोकादायक इमारतींचे स्ट्रक्चरल आॅडिट करावे, अन्यथा या इमारती खाली कराव्यात अशा नोटीसा रत्नागिरी पालिकेने बजावल्या आहेत. मात्र त्यातील कोणीही या इमारतींतून बाहेर जाण्यास तयार नसल्याचे चित्र आहे. गेल्या काही वर्षांपासून या नोटीसा देणे हा केवळ उपचार झाला असून दुर्घटना घडल्यानंतर पालिका जागी होणार काय, असा सवाल केला जात आहे. रत्नागिरी शहरात तीस वर्र्षांपूर्वीच्या जुन्या इमारती असून त्या धोकादायक बनल्या आहेत. त्यांच्या नूतनीकरणाची किवा दुरुस्तीची गरज आहे. मात्र याकडे कोणी लक्ष देत नाही. त्याचा गंभीर परिणाम होऊ शकेल त्यामुळे पावसाळ्यात या इमारती कोसळण्याची व जिवित हानी होण्याची संभाव्यता लक्षात घेऊनच पालिकेने या ३८ इमारतधारकांना नोटिसा बजावल्या आहेत. धोकादायक इमारतींबाबत ज्या ३८ जणांना नोटीसा बजावण्यात आल्या आहेत त्यांची नावे व घरक्रमांक याप्रमाणे: किरण गोपाळ दाते व इतर (३५१५), श्रीकृष्ण वासुदेव दाते (घर.क्र.३५१८), श्रीमती खैरुन्निसा महमद मजगावकर (३८०५), आदम सो हुसेन पाटील (३८१२), अ. कादिर इस्माईल पाटील (३७८०), शरिफा महंमद सोलकर (३७७४), कृष्णकांत तुकाराम मयेकर (१८१८, पऱ्याची आळी), शमशादबाक महंमद रफिक बावाणी (२०११, धनजी नाका), अजीज अल्लीखान हकीम (२०४०, बाजारपेठ), उर्वशी विक्रम रानडे व इतर (३२०३, टिळक आळी), वसंत विनायक केळकर व इतर (३२६०ब, खालची आळी), शरद हरी ढापरे व श्रीमती सीमा शरद ढापरे (१५३६, मांडवी नाका), गोविंद विठ्ठल मलुष्टे (१६६७, मुरलीधर मंदिराजवळ), प्रेमजी नारायण भणसारी (१५८५, विठ्ठल मंदिरजवळ), वसंत विनायक केळकर (१६३३, कित्ते भंडारी हॉलजवळ), गिरिधर पिलणकर (१६९९, घुडेवठार), अभयकुमार भा. पावसकर (१६९९ अ, घुडेवठार), विजयकुमार भा. पावसकर (१६९९ब, घुडेवठार), घनश्याम महादेव पावसकर (घुडेवठार), सय्यद इब्राहिम दाऊद काद्री (१२८, निवखोल), अली हुसेन मुल्ला (११३, आदमपूूर), अब्दूल लतीफ अब्दूल बुड्ये (१३३, आदमपूर), शामराव भास्कर मसुरेकर (४७४, निवखोल), लतिफ अब्दुल्ला दुश्ये (७५० क/२६८, कोकणनगर), नुरिन शम्मी चौघुले (७५०/क २९८, कोकणनगर), मंदार दीपक खेडेकर (२३०७, परटवणे), सुदाम हरिशेठ करंजवणकर (२४०९, जुनी तांबट आळी), चिमणलाल ओसवाल जैन ट्रस्ट (२४९५ क, धनजीनाका), अरविंद पुरुषोत्तम जागुुष्टे (२५०६, तांबटआळी), चंद्रभागाबाई दशरथ पाडळकर(२५२४, जुनी तांबट आळी), विठोबा जयराम पाडळकर (२५२४अ, जुनी तांबटआळी), मनोहर जयराम पाडळकर (२५२४ ब), विठोबा जयराम पाडळकर (२५२४ क), चंद्रकांत जयराम पाडळकर (२५२४ ड), चंद्रकांत सुर्वे ( ५५६जी/१, थिबा पॅलेस), मैमुन्ना महंमद अली वागळे (५७१, थिबा पॅलेस), अब्दुल सत्तार हुसेन पाटणकर (६६०, मारुती मंदिर), नरेंद्र रामकृष्ण सुर्वे (६११, मारुती मंदिर). (प्रतिनिधी)