रत्नागिरी : रत्नागिरी राष्ट्रवादी काँग्रेस पक्षाचा २२ वा वर्धापन दिन जयस्तंभ येथील कुमार शेट्ये संपर्क कार्यालय येथे साजरा करण्यात आला़. यावेळी केशव इंदुलकर यांच्याहस्ते ध्वजवंदन करण्यात आले.
यावेळी नेते कुमार शेट्ये, विधानसभा क्षेत्राध्यक्ष रामभाऊ गराटे, कामगार नेते सुधाकर सावंत, जिल्हा सरचिटणीस बबलू कोतवडेकर, शहर अध्यक्ष नीलेश भोसले, युवक प्रदेश सचिव बंटी सदानंद वणजू, उपाध्यक्ष सनिफ गवाणकर, तालुका उपाध्यक्ष यशवंत डोर्लेकर, उपाध्यक्ष जयप्रकाश भालेकर, युवक जिल्हा उपाध्यक्ष पप्पू तोडणकर, युवक शहर अध्यक्ष मंदार नैकर, विद्यार्थी जिल्हा उपाध्यक्ष संकेत कदम, विद्यार्थी तालुकाध्यक्ष सूरज शेट्ये, विद्यार्थी शहर अध्यक्ष साईजित शिवलकर, रूपेश आडिवरेकर, नरेंद्र साखरकर, स्वप्नील मांडवकर, पदाधिकारी आणि कार्यकर्ते उपस्थित होते.
यानिमित्ताने जिल्हा रुग्णालय व उद्यमनगर येथील महिला रुग्णालय येथे काम करणारे डॉक्टर्स, परिचारिका, कर्मचारी यांच्याकरिता सॅनिटायझरचे वाटप शहर राष्ट्रवादी काॅंग्रेसतर्फे करण्यात आले. यावेळी जिल्हा शल्यचिकित्सक डाॅ़. संघमित्रा फुले-गावडे आणि डाॅक्टर उपस्थित हाेते़. तसेच वाहतूक पोलिसांची सुरक्षितता लक्षात घेऊन तालुका विद्यार्थी काॅंग्रेसतर्फे सॅनिटायझर व फेस शिल्डचे वाटप करण्यात आले. यावेळी वाहतूक शाखेचे पाेलीस निरीक्षक शिरीष सासने उपस्थित हाेते.
----------------------------------
राष्ट्रवादी काॅंग्रेसच्या वर्धापन दिनानिमित्त रत्नागिरीतील कार्यालयासमाेर ध्वजवंदन करण्यात आले. यावेळी राष्ट्रवादी काॅंग्रेसचे पदाधिकारी उपस्थित हाेते.