रत्नागिरी : जिल्हा पाेलीस दलातील बँडमन पदाच्या ३ जागांसाठी शुक्रवारी परीक्षा पार पडली. या पदासाठी आलेल्या ५००५ उमेदवारांपैकी १७०८ उमेदवारांनी परीक्षा दिली, तर ३२९७ विद्यार्थी अनुपस्थित होते.
परीक्षेदरम्यान कोणत्याही केंद्रावर अनुचित प्रकार घडू नये यासाठी पाेलीस दलातर्फे बंदाेबस्त ठेवण्यात आला हाेता. जिल्हा पोलीस अधीक्षक डाॅ. मोहितकुमार गर्ग यांच्या मार्गदर्शनाखाली अतिरिक्त पोलीस अधीक्षक जयश्री देसाई, पोलीस उपअधीक्षक (मुख्यालय) शिवाजी पाटील व उपविभागीय पोलीस अधिकारी सदाशिव वाघमारे आणि अन्य पोलीस अधिकारी, अंमलदार यांनी परीक्षा पार पाडण्यासाठी मेहनत घेतली. शुक्रवारी सकाळी ६ वाजल्यापासून सर्व केंद्रांवर पोलीस अधिकारी व अंमलदार, व्हिडिओग्राफर तैनात करण्यात आलेले होते. विद्यार्थ्यांना परीक्षा केंद्रावर सकाळी ८ वाजल्यापासून प्रवेश पत्राची तपासणी करून वर्गात सोडण्यात येत होते.