लांजा : तालुक्यातील काेराेनाबाधितांची संख्या कमी हाेत असून, सोमवारी एका दिवसामध्ये कोरोनाचे एकूण १७ पाॅझिटिव्ह रुग्ण आढळले.
तालुका आराेग्य विभागाने दिलेल्या माहितीनुसार अँटिजनचे १० तर आरटीपीसीआरचे ५ तसेच शहरामध्ये फिरणाऱ्यांपैकी २ असे एकूण १७ पाॅझिटिव्ह आढळले. गेले दोन दिवस कोरोनाच्या रुग्णांमध्ये घट झाल्याने दिलासा मिळाला आहे. नव्याने आढळलेल्या रुग्णांमध्ये वाकेड - गुरववाडी २, पालू - कुंभारवाडी २, शिपोशी - कोलेवाडी १, शिरवली - पलिकडचीवाडी १, लांजा - नाभिकवाडी २, देवधे - बौद्धवाडी १, पडवण - बौद्धवाडी १, लांजा - कुंभारवाडी १, लांजा - धावणेवाडी ३, लांजा - वैभव वसाहत १ यांचा समावेश आहे. तालुक्यात कोरोना रुग्णांची एकूण संख्या ३,३८७ झाली आहे. त्यामधून ३,०३४ जणांनी कोरोनावर मात केली आहे. सध्या २३९ कोरोनाचे ॲक्टिव्ह रुग्ण आहेत.