आगरदांडा : मुरुड-धनगरवाडी रस्त्यावरील वळणदार आणि उतार असलेल्या ठिकाणी रिकामा बोलेरो पिकअपचा ऐक्सल तुटला. यावेळी पिकअप टेम्पो कलंडल्याने गाडीचे मोठे नुकसान झाले. सुदैवाने गाडीतील चालक सुखरूप आहे.रोहा येथून रिकामा बोलेरो पिकअप (एमएच०६-बीजी-११०६) मुरुडकडे जात असताना दुपारी उतारावरील गाडीचा अचानक एक्सेल तुटल्यामुळे तसेच ब्रेक फेल झाल्यामुळे चालकाचा गाडीवरील ताबा सुटला व गाडी कलंडली. यामध्ये चालक यशवंत हिरवे हा किरकोळ जखमी झाला असून, गाडीचे मोठे नुकसान झाले आहे. मुरुड-धनगरवाडी येथे अपघाताचे सत्र सुरूच आहे. मुरुड -धनगरवाडी येथे गेल्या अनेक वर्षांपासून सार्वजनिक बांधकाम विभागाकडून रस्त्यालगत सुरक्षा कठडा बांधण्यात आलेला नाही. येथे सुरक्षा कठडा नसल्याने व छोटे वळण व उतरण असल्याने यापूर्वी याच ठिकाणी अनेक वेळा अपघात झाले आहेत. धोकादायक वळण असल्यामुळे प्रत्येक वळणावर सूचना फलकाची गरज असल्याचे चालकांचे म्हणणे आहे. (वार्ताहर)
मुरुड धनगरवाडीत पिकअप टेम्पो उलटला
By admin | Updated: February 7, 2016 00:24 IST