श्रीवर्धन : सलग आलेल्या सुट्ट्यांमुळे श्रीवर्धन तालुक्यातील सर्व समुद्रकिनाऱ्यांवर पर्यटकांची अलोट गर्दी झाली आहे. शुक्रवारी रात्रीपासून पर्यटकांनी श्रीवर्धन शहरात गर्दी करण्यात सुरुवात केली.
पुणे- मुंबईव्यतिरिक्त नाशिक, अहमदनगर, बीड व लातूर येथील पर्यटकांनी श्रीवर्धन तालुक्याला पसंती दिली. श्रीवर्धन शहरातील सर्व हॉटेल व लॉजिंग एक आठवडा अगोदर आरक्षित आहेत. रायगड जिल्ह्याच्या बाहेरून आलेल्या पर्यटकांना पर्यटनासोबत स्थानिक खाद्यपदार्थांचा आस्वाद घेणे आवडत आहे. बोंबील, सुकट, सोडे व मासळी यांची मागणी पर्यटक करत आहेत. खासगी वाहनांच्या रांगा समुद्रकिनाऱ्यावर व हॉटेलच्या बाहेर लागलेल्या दिसून येत आहेत.