यवत : भेळीचा व्यवसाय करणाऱ्या यवत येथील तरुणाचा पुणे-सोलापूर महामार्गावर अपघातात मृत्यू झाला, तर त्याच्यासोबत असलेले त्याचे चुलते व आणखी एक जण जखमी झाले आहेत. केडगाव (ता. दौंड) गावच्या हद्दीत हा अपघात घडला.अपघातात विशाल रघुनाथ रायकर (वय २५, रा. यवत) हा युवक अपघातात ठार झाला असून त्याचे चुलते बबन ज्ञानेश्वर रायकर व आकाश बबन रायकर जखमी झाले. रायकर त्यांच्या महिंद्र पिक-अपमधून चौफुला बाजूकडून यवतकडे येत होते. या वेळी गाडीचा टायर फुटल्याने विशाल गाडीचा टायर बदलत असताना पाठीमागून आलेल्या दुसऱ्या पिक-अपची जोरदार धडक बसून अपघात झाला. यात विशाल जागीच मृत झाला, तर इतर दोघे जखमी झाले. अपघातानंतर दुसऱ्या पिक-अप गाडीचा चालक जीपसह फरारी झाला आहे. यवत पोलीस अधिक तपास करीत आहेत.
अपघातात तरुणाचा मृत्यू लोकमत न्यूज नेटवर्क
By admin | Updated: May 7, 2017 02:36 IST