पुणो : कॉलेज ऑफ इंजिनिअरिंग पुणो (सीओईपी) च्या विद्याथ्र्याच्या संशोधनाच्या कौशल्याची चेन्नई येथील फोर्ड कंपनीने दखल घेतली आहे. डाव्या बाजूला स्टेअरिंगच्या मोटारीचे संशोधन विद्याथ्र्याना शक्य व्हावे, म्हणून तब्बल बारा लाख रुपयांची नवी कोरी चारचाकी मोटार सीओईपीला भेट दिली आहे. आता सीओईपीतील मॅकॅनिकल विभागातील पीएच.डी.चे विद्यार्थी या मोटारीच्या विविध चाचण्या घेणार आहेत. तसेच, त्यात बदल करून मोटारीची क्षमता अधिक वाढविता येईल का? याबाबत संशोधन करणार आहेत.
फोर्ड कंपनीने सुमारे सहा महिन्यांपूर्वी डाव्या बाजूलाला स्टेअरिंग असलेली चारचाकी मोटार केवळ जर्मन देशात विक्री करण्यासाठी तयार केली. डाव्या बाजूला स्टेअरिंग असल्याने ही मोटार भारतात कोठेही चालवता येऊ शकत नाही. त्यात भारतात प्रथमच फोर्ड कंपनीने पेट्रोल इंजिनमध्ये टबरे चार्ज टेक्नॉलॉजीचा यशस्वी अंतर्भाव करून ही मोटार तयार करण्यात आली आहे. सीओईपीतील विद्यार्थी राष्ट्रीय व आंतरराष्ट्रीय स्तरावरील कार ड्रायव्हिंग स्पर्धेत नेहमीच पहिल्या तीन क्रमांकावर असतात. त्यामुळे अशा शैक्षणिक संस्थेमधील ऑटोमोबाईलच्या विद्याथ्र्याना या आगळ्या वेगळ्या मोटारीवर संशोधन करता यावे, या उद्देशाने फोर्ड कंपनीने स्वत:हून ही मोटार भेट दिली आहे.(प्रतिनिधी)
च्सीओईपीच्या मॅकॅनिकल विभागातील प्राध्यापक डॉ. दिलीप मालखेडे म्हणाले, की
गेल्या चार वर्षापूर्वी सीओईपीमध्ये एम.टेक. ऑटोमोटिव्ह टेक्नॉलॉजी विभाग सुरू करण्यात आला. या विभागाला विविध औद्योगिक कंपन्यांनी प्रयोगशाळा उभ्या
करून दिल्या आहेत. त्यात सीओईपीचे विद्यार्थी स्वत:हून नावीन्यपूर्ण चारचाकी मोटारी तयार करतात.
च्या विद्याथ्र्याना मार्गदर्शन करण्यासाठी सीओईपीमध्ये तज्ज्ञ प्राध्यापक उपलब्ध आहेत. त्यामुळे फोर्ड कंपनीने ही मोटार सीओईपीतील विद्यार्थी व प्राध्यापकांकडे संशोधन व तपासणी करण्यासाठी दिली आहे. डाव्या बाजूला स्टेअरिंग असल्यामुळे ही मोटार भारतातील रस्त्यावर चालवता येणार नाही.